Shiloh chu Tunge? Krista Pahnihna Lalram Engtiang Khawpa Nuam Tur Nge?

   *Tihsual Tihdikna*
   Lal Isua, Krista Pakhatna chu Pu Jakob'an Juda (Gen 49: 10) a malsawmnaah khan alo sawilawk daih tawh kha..," tiin post hmasa lamah ka lo ziak a. Mahse, ka ti dik niin ka hreloa ngaih a ṭha theiloa, tlinglo taka ṭawngṭaina hmanga Bible thu ka zawn hnuah ka ti diklo ani tih hriattir ka ni ta. Shiloh chu Krista Pahnihna thu nia hmân aṭanga rinna ka neih kha a dik ani tih Pathian khawngaihna zarah nizan aṭang Bible chang dang (Ezekiel'a 21: 26, 27) hmangin hriatthiam tir ka ni ta ani. Tin, Pathian khawngaihnaa tih varna aṭang vek in kan lo sawi tawh Krista pahnihna Bible chang tamtak nena in zawm mai nilo (thumal hrang hrang leh thuhmunlo angin lang mahse) thuhmun an ni tih he post siam laiin hriatthiam tir belh zel ka lo ni ta ani. Lalpa chu Fakin awm rawh se.

   Hmanah chuan Shiloh chu Krista Pahnihna ani ka ti daih tawh a, mahse tun anga tihvarna neilo in Bible chang dang nena inzawmna ka hriatloh avang leh Pathian Thu sawi sual ka hlauh em em avang leh Pa Pathian ka zah leh hlauh lutuk avangin Lal Isua Krista ngaihnep leh chawimawiloh ka hlauh lutuka Lal Isua Krista ani tiin ka sawi sual in ka tisual hnuhnawh leh ta zawk ani. Shiloh'a (Josef Ephraim aṭanga chhuak tur Krista pahnihna) thu hrilhlawkna chu Juda malsawmna dawna hrilhlawk tel anih avangin ka han confuse rei bawka mihring ka nih angin ka sawi sual in ka tisual ta ani.

   *JUDA LEH SHILOH THU HRILHFIAHNA*
   Tihian Bible chang chi I han sawi fel ang:
   "Genesis 49: 10 "Laltiang chu Juda aṭang a kalbo lo ang, a ke kar aṭang dan petu pawh, Shiloh lokal hmaloh chuan; chuan amahah chuan mipui kalkhawmna a awm ang." (KJV)
   Khi hrilhlawkna chuan, "Juda chu a lal reng dawn ani mahse Shiloh alo kal hunah chuan a lalna A tawp ang, Shiloh hmangin Pathian in mipui a kalkhawm tir dawn," tiin a sawi ani tih kan hre thiam nghal thei ani.
   A awmzia pakhat leh chu Shiloh chu Juda anilo tih kan hre thei bawka, tin, Pu Jakob'an Pu Josef'a Juda aia malsawmna lian zawk a pek aṭang leh Pu Josef'a aṭang Beram vengtu, Israel lung (Messiah) alo chhuah tur thu a hrilhlawk aṭang Pu Josef'a aṭanga chhuak tur Messiah chu ani Shiloh'a chu tih a rin theih bawk ani.

   *SHILOH AWMZIA?*
   Shiloh chu hming awmze nei ani a, a awmzia chu, "ama ta, A neitu," (the one to whom it belongs, he whose it is)" tihna ani. Hrilhfiahna dang chu, "Remna, remna siamtu," tihte ani bawk.
   Hmanlai Ephraim Israel rama khaw pakhat hming "Shiloh" tih a awm bawk a, chuta ṭang pawn Josef Ephraim nen inzawmna anei ani tih a rin theih mai bawk e.
   Tin, hrilhlawknate (tamtak/ṭhenkhat) chu Krista Pahnihte thu veve tho ani kan tih tawh angin Shiloh chu Vanmi Lal Isua, Krista Pakhatna leh ropui zawk a sawina pawh ani ve thei bawk (Mahse Juda lalna Shiloh (Messiah) lokal hunah a tawp ang tih khian Ephraim'a a kawk chiang ani kan ti thei). Tunah erawh chuan Krista pahnihna anih zia Bible ziak kan hriat angin kan han sawi mek ani e.

   *AMAH CHU TUNGE?*
   "Ama ta, A neitu" tiha "Amah, A neitu chu tunge?" kan tih chuan, "Pathian hriakthih (Krista) - Pathian mi ruat," ani tih kan hre thei mai awm e. Achhan chu, Pathian in A ruat nilo mi chu Pathian in mipui kalkhawm nan A hmang dawnlo ani. Chu Pathian mi ruat in ata chu a chelh hma chu Juda in laltiang a vawn A kalbo tir lovang tih chu hriat theih nghal ani.

    *AMA TA CHU ENGE?*
   Ama ta, A neitu ta chu enge ni ta ang kan tih chuan, Pu Jakob'a malsawm hrilhlawkna hmangin Pu Josef'a aṭanga chhuak tur beram vengtu, Israel lung (Krista pahnihna) chu Pathian in "chung van malsawmnate, hnuaia (hmun) thûka awm malsawmnate.." (Genesis 49: 25a ziak ang khan) A pe lawka, a tan A ruat tih kan hmu.
   Tin, Sam bung 2 pawh Krista pahnihna thu ani tih post hmasa lamah kan sawi tawh ang khan, Sam 2: 8na chuan Ama thil, Ama tâ chu ti hian a sawilawk bawk ani, "Jentailte I ro atan.. Lei hmun pawimawhberte I tan ani ang," tiin.
Tunah chuan, Ama ta, Krista pahnihna ta chu Khawvel, lei leh a chhunga awmte leh chung van malsawmnate chu ani tih kan hre thei ta ani. Ani, Pathian in Krista pahnihnna ta turin A ruat ani a, hmân ata tawh hrilhlawk ani tih Pathian thu Biblea ziak chang tamtakte chuan an nem nghet ani. Hrilhlawkna hmasaber erawh chu Genesis aṭang daih ani. Chuvangin, Shiloh (Ama ta, A neitu,..) tih chu Krista pahnihna hming pakhat ani tih kan hre thei ta ani.

   Tin, a pathumnaa tinghet tu atan, Zawlnei Ezekiel'a (21: 26, 27) hmangin Lalpa chuan, "A neitu tur dik tak (Shiloh, Krista pahnihna) lokal hunah, amah chu Ka thilpek tur chu Ka pe ang," tiin A lo hrilhlawk bawk ani.
   "Ezekiel'a 21: 26 Chuvang chuan Lalpa Pathian in A ti; lukhum chu la chhuak rawh, chuan Lallukhum chu la thla rawh: hei hi a in ang tawhlo ang: mi tlawm chu chawisang rawh: chuan mi lian chu ti tlawm rawh. 27 Ka linglet, linglet, linglet ang: chuan a awm tawhlo ang, A neitu tur dik alokal hma in; chuan amah chu chuchu Ka pe ang." (KJV)

   Mihring tana siam Khawvel chu mihring zinga Pathian mi ruat pakhat (Krista pahnihna) hnena pek chu Pathian in ṭha A ti ani. Pu Adam'a leh Pi Ev'i hnena an tluk hmaa A pek ang khan (Genesis 1: 26), Chu aia nasa pawhin ani mahna.

   Vanmi Krista pakhat (Lal Isua) leh leimi Krista pahnihna (Ephraim'a) Pathian in A ruat ani post hmasa lamah kan tih tawh ang khan, Krista pahnihna (Ephraim'a) ro atan Pathian in A pek chu Khawvel hi ani. Chuvang chuan ani chu ani Shiloh'a (Ama ta/a neitu) chu.

   Chumi chungah chuan Vanmi Krista chu Lal ani tih kan hre thei, Van (Great Enless Space, GES) chu A rochan Pathian in A pek chu ani si a, lei chu Van (Thumna) hnuaia awm mahse Van (GES) chhunga awm ani bawk si a.

   *MIPUI KALKHAWMNA CHU TUNGE?*
   Genesis 49: 10 chuan Shilohah (Krista pahnihnaah) chuan "mipui kalkhawmna a awm ang," tiin a sawi belh leh bawk a. Chuchu Krista pahnihnaah ani tih kan hriat belh  bawk ani. Post hmasa lamah Isaia 49 chu Krista pahnihna thu ani a, chang 6naah, Pathian in, "Jakob hnamte tungding tu atan.. Jentailte eng atan Ka pe ang che," tih chuan mipui kalkhawmna anih zia a hrilh nawn ani tih a rin theih. Pathian in mipui kalkhawm/hruaikhawm/tirhkhawm nan Krista pahnihna (Shiloh) chu A hmang dawn ani tih kan hre thei nghal ani.

   Tin, Krista pahnihna chu "Inpumkhatna" tiin Pathian in A zawlnei Zakaria (11: 7, 14) hmanga A hrilhlawk chuan "mipui kalkhawmna" ani tih kan sawi khi a vawithum nan a nem nghet leh bawk.

   Hrilhfiahna danga Shiloh chu "remna, remna siamtu," tih pawh chu Pathian in A zawlnei Isaia (9: 6) hmanga A hriakthih (Krista) pahnihna thu (hming leh nihna-) "Remna Lalfapa (Prince of Peace)" ti a A lo hrilhlawk nen pawh khan a inzawm/thuhmun reng ani tih kan hre thei nghal bawk ani.

   *KRISTA PAHNIHNA LALRAM ENGTIANG KHAWPA NUAM TUR NGE?*

   Pathian in Shiloh'a, Krista pahnihna chu A ruat ("Isaia 42 ..rorelna a rawn keng ang." A tih) angin rorel tura A lal tir hunah chuan Pathian duh (Siam tirh ata A duh leh duan) angin amah hmangin khawvel chu ngai a awhtir leh dawn, A siam dawn ani. A awmzia pakhat chu Pathian duh angin rorelna dik a awm dawn ani.

   AD Zawlneite chuan ti hian an hrilhlawkfiah lehzual ani:
   1. "Engkim ngai a awh tir leh ang." "Tin, remna chu khawvel pumah ro a rel ang." (Holzhauser)
   2. "Remna alo kir ang Lily chu Lalṭhutthlenga a kai leh hunah. Ram chuan rah a chhuah ṭha hle ang." (St. Hildegarde)
   3. "Dan fing tamtak chuan remna chu ngai a awh tir leh ang." (Orval)
   http://www.todayscatholicworld.com/great-catholic-monarch.htm
   (Mysteryoftheiniquity tih website ah chuan messiah diklo (false messiah) tiin Pathian thu Biblea ziak a kalh ani. A link hming pawh a diklo hrim hrim, a admin chuan roman catholicho chu an diklo ti mahse Pathian hriakthih pahnihna (Krista pahnihna) ber chu false messiah a ti leh nghal, diklo in midang diklohna a hmua ama diklohna a hmu silo tih kan hmu thei nghal e. Mihring thu aiin Pathian thu Biblea ziak leh a milte rin zawk tur ani. Chuvang chuan link dang http://www.todayscatholicworld.com/great-catholic-monarch.htm in thlak mai. He mi link hming chu a zia awm deuh, achhan chu, Catholic tih awmzia chu universal, engkim a huam, a tel tihna ani si a.
   Roman catholic ho website niin alanga mahse Roman catholic church chu AntiChrist church ani a Bible sawi Krista pahnihna nen inzawmna a neilo. Pathian thu an hman diklona leh anmahni chu kohhran dik nia an inngaihna a dikloh zia hriatna tur zawkin hmang mai ang, website danga a hlawma Krista pahnihna thu nia ka hriatte ziahna ka hmu bawk si lo nen.
   Mahse, tamtak Krista pahnihna thunilo a tel thei tih hriat tur, Biblea ziak Krista pahnihna thu mil nia ka hriatte tlemte ka han la a nih ber hi.
Kohhran leh mihring thu aiin Lal Pathian thu Biblea ziak leh a milte chauh rin zawk tur ani.)

   4. Lee, Chung-Feng, Tong thlah Lalram Lal hmasaber mimal zawlnei leh sipai lama thurawntu (765 AD)
   Poems
   59. Kulhte a awm lo, bangte a awmlo. Ka ta a awmlo, I ta a awmlo.
   Khawvel pum chu chhungkaw pakhatah a chhuak, lei pum a hnianghnar.
   Mi pakhat khawvel pum lawm nan, Pathian duhzawng zui in khawvel ti hnianghnar.
   Sen, eng, dum, var, an zavaiin an awmtlang.
   Hmar, chhak, chhim, thlang an lungrual.
    http://www.alexchiu.com/philosophy/superichingtuaybaytu.htm

   5. 'Tunge A Nih?' By Sung Mo Koo (1509+ AD)
   "The Korean Books of Prophecy"
   Chart 28
   Mithianghlim thliarkar hnam tlang atranga lo kal chu enge a an ang? Pathian phalna ani mi pakhat tawp nite ah lo piangnawna Confucianism, Buddhism, Christianity leh sakhua dang zawng zawngte pumpui aiawh turin.
   Van lal chu a lo kal ta khawchhak peninsula ah. Mithianghlim'a chu ba in, khawvel chu paradise ah a chhuak ang. (Buddhist ho duhthusama khawvel ṭha).
   http://www.tparents.org/Moon-Books/Cta-ik/Cta-ik-6-2.htm
   (Korean zawlnei in Van lal.. tih chu Lal Pathian (Vante Van Van Lal) chu Krista pahnihna hmangin A lokal tihna ani, A thu A chhiahhlawh hmangin A rawn thlentir tihna ani.
   Chutiangin Piangnawn atih chu Pathian thu lo thleng leh tihna ani e. Achhan chu Isaia 49ah khan Pathian chhiahhlawh (Krista pahnihna) chu a nu bowels (chuchu a nu Pa) aṭang Pathian in a hming A lam (siam) zia leh a nu chhula a siam zia hrilhlawk chiang si a.)
  
   A awmzia chu engkim a free vek dawn ani. I ta ka ta, ka ram I ram, tihte a awm dawn tawh lo ani chu.
   Entirnan, khawvel hmundanga kal nana phalna emaw Visa lakte a ngai tawh dawnlo anih chu. In leh lo free, motor, train, thlawhna leh lawng chuan man free, buh bal free. Mimal tana motor leh bikete pawh free. Mobile balance leh data free. Engkim free ani.
   Lunghlu, Rangkachak leh tangkaruate pawh zawrh ni tawhlovin Pathian biakin leh a ṭul danga hman bangte chu mipuite chan turin semdarh ani ang.
   Lalpa'n mi tlawmte A chawisana miliante A tih tlawm chuan zawl khat, angkhatah chen ho tur ani ber awm e, hausa bik awmlo, rethei bik awmlo in. Setan'a rawngbawltute khawvela (ram leh sakhua rorelnatea) miliante chu tih tlawm an ni ang tihna ani.
  Mahse chu hun chu khawvel billionairete pawn an la hmuh leh chen ngailoh hun ani a, a thar nuam dangdai dawn ani. Kutdawhte pawh an awm tawh dawnlo ani.
   Nupui, pasal duhte zawnsak leh tuahrem ngaite pawh kan in zawn sak in kan pumkhat tir dawn ani. Mitin inpumkhata ṭangrualin kan thawk suau suau, kan zai dial dial, kan ei mial mial, kan lam siau siau dawn ani ber mai. Sem sem dam dam nun kan chen dawn nih ber chu. Van thar leh Lei thara nun hman dan tur nuamtak tem lawkna anih hmel ani.

   Pa Pathian in A thilsiam tlute min pek Ropuiber Lal Isua Krista zarah Chatuan nunna a thlawn anih si chuan engahnge thildang zawng zawng pawh athlawnin min pe tawhin min pek leh loh ang?
   Tu nge khawvel thilte a thlawnlo, man neia siamtu chu? Sual ani lovem ni?

   Krista Pahnihna thu Biblea ziak kan sawite zawng zawng hi Lal Pathian thu ani a, lo thleng ngei ngei tur ani, Lal Pathian chu Tihtheihloh neilo mai nilo, A Rinawm, A thuah A ding nghet si a. "Chutiangin Ka ka aṭanga Ka thu chhuak chu a awm ang: engmah tiloin Ka hnenah alo kir leh lo ang a, Ka duh ang chu a tizo zawk ang, chuan thil ti tura ka tirhnaah chuan a hlawhtling ang." tiin Pathian in A zawlnei hmanga A sawilawk tawh ang khan. Isaia 55: 11

   facebook groupa en duh tan:
   Krista Pahnihna Bible leh A. D. Zawlneite Hrilhlawk Hriatchianna