Zawlnei Isaia leh Sam Hrilhlawk Krista Pahnihna Thu Chu

   Engthawl Duhte Tan

   ZAWLNEI ISAIA HMANGA PATHIAN IN A HRILHLAWK KRISTA PAHNIHNA THU PAKHAT LEH

   *Isaia'a 42 kha Krista Pahnihna ani a, Isles ten a dan an nghak, Jentailte tan eng ani, Mite tan Thuthlung ani, tih ziakte, Genesis 49 leh Thupuan 6a kan hmuh angin Thal ngul a keng ani tihte kan hriat ṭheuh tawh angin Isaia bung 49 pawh hian Lalpa'n amah hmanga A tih tur chu a rawn hrilhklawk nawn leh sawi belh ani -*
   Tin, A nu pum chhung aṭang Krista Pahnihna chu Pathian in a hming A lam (siam/phuah) thu hrilhlawk ani -

   "Isaia 49: 1. Aw thliarkarte u, ka thu ngaithla u la, hla tak ata mi tinte u, ngaithla bawk rawh u: LALPA chuan chhul atang rengin mi ko a; ka nu pum chhung atang rengin ka hming a lo sawi tawh a:
   2. ka ka hi khandaih hriam tak angin a siam a, a kutah chuan mi thukru a; thla nawhtlet varah mi siam a, a thal bawmah chuan mi khung tlat a:
   3. tin, ka hnenah, "Nang chu ka chhiahhlawh i ni a; Israela, chawimawia ka awmna tura chu i ni," a ti a.
   4. Kei erawh chuan, "Athlawn maiin ka thawkrim a, engmah loah leh boruak maiah ka tha ka seng a: nimahsela matheiloin ka chunga rorelna tur chu LALPA hnenah a ni a awm ni, mi rulhna tur pawh chu ka Pathian hnenah a ni a awm ni," ka ti a.
   5. Tin, tunah chuan LALPA, Jakob-ho hnena hruai lehna'n leh, Israel-ho a hnena hruai khawma an awmna'n, a chhiahhlawh awm tura chhul atanga mi dintu chuan a sawi a: (LALPA mithmuhin mi zahawm ka ni si a, ka Pathian chu ka chakna a lo ni ta bawk a:)
   6. a ni, ani chuan, "Jakob-ho hnamte tundinnan leh Israel-ho zinga humhimate chu awmtir lehna'na, ka chhiahhlawha i awm hi, thil te tak te a la ni; Jentailte tiengtu-ah pawh ka ruat bawk ang che, kawlkil thlenga ka chhandamtua i awm theihna turin," a ti a.
   7. LALPA, Israel-ho tlantu leh an Mi Thianghlim chuan, mite hmusita, hnamhoten riau a, roreltute chhiahhlawh hnenah chuan heti hian a ti: "LALPA rinawma, Israel-ho Mi Thianghlim nangmah thlangtu avang khan lalten an hmu ang a, an tho vang; mi liante pawhin chiobai an buk ang," tiin.
   8, 9 LALPA chuan heti hian a ti, "Hun lawmawmah ka ngaithla chia, chhandamna niah ka tanpui che: mi tangte hnenah, 'Chhuak rawh u,' thima awmte hnenah, 'Lo lang rawh u,' tia, ram tung ding tur leh rochan ram tiau tawh hnute anniho chu luahtir turin ka humhim chein, mite thuthlung atan ka ruat ang che. Kawngahte chuan an ei zel ang a, tlang sang kawlh vel vul zawng zawngahte chuan an tlatna hmun chu a awm ang.
   10. An riltamin an tuihal lo ang a; lumin a tihreawmin niin a em hek lo ang: anmahni khawngaihtu chuan a hruai dawn si a, tuihna kiang ngeiahte chuan a hruai dawn a ni.
   11. Tichuan ka tlang zawng zawng chu kawngah ka siam ang a, ka lamliante chu tihsanin a awm bawk ang.
   12. En teh, sawngte saw hla tak atangin an lo kal dawn saw; en teh, sanwgte saw hmar la atang te, thlang lam atang tein an lo kal dawn saw; sawngte saw Sinim ram atangin an lo kal dawn saw.
   13. Aw vante u, hlim takin zai rawh u; aw leilung, hlim takin awm rawh; aw tlangte u, hla sa chhuak phut rawh u: LALPA chuan a mite ch a thlamuan si a, mi hrehawm tuarte pawh chu a khawngaih dawn a ni.
   14. "Nimahsela Zion chuan, 'Jehoa'n mi kalsan a, LALPA'n mi theihnghilh ta,'a ti a."

   *SAM ZIAKTU HMANGA PATHIAN IN A HRILHLAWK KRISTA PAHNIHNA THU PAKHAT LEH*

   Krista Pahnihna chu "mi hmuhsit ani," "hnam ten ani," tih te Isaia 49 aṭang kan hre thei leh ta a, tunah Sam ziaktu hmangin Pathian in A hriatlawk ṭhenkhat A hrilhlawk I han en leh ang. Isaia bung thu kan sawi nen pawh khian a inzawmna, thuhmunna kan hmu thei ani.

   *Zakaria 11: 7ah Krista Pahnihna chu "inpumkhatna" (bands) tih te, Genesis 49: 25a "..hnuaia awm hmunthuk malsawmnate in A malsawm ang che," tihte chu a hnuaia Sam 2: 3a "inpumkhatna" (bands) tih te leh 8a "Lei hmun ropuiberte I tan ani ang," tihte hi thuhmun ani.*
   Tin, Krista Pahnihna chu hriakthih pahnihna Ephraim'a ani kan tih tawh ang te, "Ephraim'a chu Ka fapa piang hmasaber ani," "Ephraim'a chu Ka fapa duhtak ani lawm ni?" tih Jeremia 31: 9, 20a kan hmuh nen pawh, Sam 2: 2a "Ka hriakthih'a" tihte, chang 7a "Ka fapa I ni," tihte nen inzawma thuhmun ani tih kan hre thei mai awm e.

   "Sam 2: 1. Hnam tin chu engati nge an thinur a, Mi tinin engati nge thil sawt lo an ngaihtuah?
   2. Leia lalte an hel a, Hotute pawhin LALPA leh a hriak thiha chu An phiar hlawm a,
   3. "An phuarnate (bands) hi tichatin An hruihrualte hi kan hnen ata i paih daih ang u," tiin.
   4. Vana thua chu a nui ang a: Lalpa chuan anniho chu a nuihzabur ang.
   5. Chumi hunah chuan thinurin an hnenah thu a sawi ang a, Thinrim takin anmahni a timangang tawh ang:
   6. "Keimah ngeiin ka tlang thianghlim Zionah chuan, Ka lal siam chu ka thuttir ta a ni," a ti a.
   7. Thuruat chu ka hril dawn: LALPA'n ka hnenah, "Nang zawng ka fapa i ni e; Vawiin hian ka hring che a ni.
   8. Mi dil rawh, tichuan i rochan atan hnam tin ka pe ang chia, Kawlkil tawp thlengin i ro atan ka pe bawk ang che.
   9. Anni chu thir tiangin i tikeh ang a; Belvawtu bel an paih keh sawm ang hian i paih keh sawm ang," a ti a.
   10. Chutichuan, aw lalte u, fing tawh u la, Leia roreltute u, thununi awm tawh rawh u.
   11. Tih chungin LALPA rawng bawl u la, Khur chungin lawm rawh u.
   12. Fapa chu fawp rawh u, chutilochuan a thinrim ang a, kawng lakah in boral dah ang e, A thinurna chu kaihthawh mahse tlemte ala nih lai in. Amaha an rinna nghat zawng zawngte chu an eng a thawl e."

   ..KJV..

   facebook groupa en duh tan:
   Krista Pahnihna Bible leh A. D. Zawlneite Hrilhlawk Hriatchianna