Thluaka Thlarau chu Enge? Rilru Setan'an Engtin Nge A Luha A Bum Dan? (Mihring Din Hmun leh Hmelma Hnathawh leh Ram Lak Dan Hriatbelhna)

   Thluak nei Mihringte hi Pathian siam Computer/Smart Phone che thei kan ni tiin hriatthiam a awlber awm e.

   *THLUAKAH ENGTIN NGE THIL KAN DAH?*
   Smart phone a memory ah thu leh hlate, appte, videote kan thun (download) thei ang in thluak pawh hi mihring hriatrengna (memory) awmna ani a. Thu leh hlate, film leh thil thleng leh nun ṭhin dante, phuahchawpte kan dah(download) in kan hre reng thei ani.
   Chu kan dah (download) dan chu kan mit, beng leh chhiartheihna kan neihte hmang hian kan thluakah kan dahlut ṭhin ani. Ngaihtuahna hmang pawn phuahchawp/ngaihdan leh ideate pawh kan dah thei bawk.

   Tin, kan thluak chuan thil a ngaihtuah in duh a thlang thei mai nilovin, kan thluak chuan kan ngaihtuahna leh kan hriatrengnaa hun liam hnu chanchin awmte chu ava hmu in a chhiar thei ani.

   *DATA LEH THLUAKA THLARAU CHU ENG NGE?*
   Chu data - thu leh hlate leh chanchin leh ngaihdante hmang chuan kan rilru leh ngaihtuahnate duhthlanna in kan siam ṭhin ani.
   Khawvel ṭawng chuan kan Smartphonea thu, hla, app leh videote chu data tih ani a, mahse mihring thluaka thu leh hlate leh chanchinte, ngaihdante - thinlung/rilru leh ngaihtuahnate chu taksa leh thisen neilo, Pathian ṭawng chuan "thlarau" tih ani.
   Thlarau chi hrang hrang a awm a, he kan rilru ngaihtuahnate leh thu leh hlate thluaka awm chu thlarau chi khat mai ani, hriat pawlhloh tur. Khawvel ṭawng chuan "Data" mai ani.

   He thlarau hi ani thi theilo, emaw boral theilo. Computer, smartphonea file/data kan dah angin Pathian in A dahṭha a, mithite A kaihthawh dawn chuan anmahniah chu thluak thlarau chu a dah lut leh ṭhin ani. Tichuan, tholeh mihring chuan a thinlung rilru pangai a nei leh ṭhin ani.
   Chutiang chuan nakina mithi A kaihthawh turte chunga A tih tur ani.
   Uire hmang thinlung pu chu uire hmang thinlung nei bawkin a tho leh dawn anih chu.

   Lalpa hlaua A thuawih thinlung (naupang thinlung ang) neia thi chu a thinlung ngai neiin a tho bawk dawn ani. Chutiang mi chu thiamchan tir ani bawk ang.

   *KAN RILRU, THINLUNG TUNGE HMU THEI?*
   Smartphone chu kan lock thei ang hian mihring thluaka awm chanchin, ngaihdan leh ngaihtuahnate (thinlung) hi tuma hmuh leh luh theihloh turin Pathian in a lock thei ani. Mahse, nihna sang zawk Angel Thianghlim leh Angel tlu leh an thlahte tan chuan lock loh, inhawng sa leh luh, thil dah leh hmuh tir theih in a awm ani.
   Pathian in Angel tlu leh an thlahte hmuh leh luh theihloh tura mihring thluak A kalh (lock) emaw ven sak chu tlemte an ni.

Vantirhkoh Thianghlim leh Angel tlu leh thlahte chuan kan hriatrengna (memory) a awmte pawh an hmu vek thei a, kan thil tih leh ngaihtuah theihnghilh tate thleng pawh video angin a ri leh a lem an hmu vek thei zawk ani. An tih dan tlem a hnuai lamah ziah ani.
   Setan'a leh a hote leh an thlahte pawn mihring ngaihtuahna an hria in an hmuh theih zia Lasi emaw ramhuai tawk ṭhin thawnthu ṭhenkhat aṭang pawn kan hre thei awm e, mihring ngaihtuah ang zela an biakna lai chanchin aṭangte pawn. Tin, ramsa thinlungte pawh an hmu in an be thei tih chu kan hre thei nghal awm e.

   Mahse, Angel leh Angel thluak ngaihtuahna/rilru erawh chu an in hmuhsak tawn vek thei kherlo. Angel hotu erawh chuan a naute thinlung erawh a hmuhsakin a lut thei ani.

   *THLUAK MIT, BENG LEH KÂ*
   Smartphone hi khawvel hmun danga thil thlengte leh dawt phuahchawpte hmuh, hriat leh mi biak theihna anih avangin mihring mit, beng leh kâ chi khat ani.
   Chutiang deuhin kan mit leh beng pangaite hi kan taksa pawna thil thleng (dawt/inbumnate pawh) kan hmuh leh hriat theihna ani.
   A awmzia chu kan thluakah hian mit leh beng, thluak mit leh bengte leh thluak home page/thil thar zawn chhuah theihna, lo lanna - ngaihtuahna hi a awm tih kan hre ṭheuh awm e. Chung thluak mit leh bengte awmlo se kan pawnlam mit leh beng pangai leh smartphonete chu kan tan awmzia an nei dawnlo ani.

   Thluak mit, beng leh kâ a awm tih kan hriat theihna pakhat chu mumang kan neih ṭhin aṭang a hriat theih awm e. A zau zawng chuan, thil kan ngaihtuaha kan hriatthiam theihnate leh kan ngaihtuahna kan thluakah vek kan biak (ri lova mahni leh mahni inbiak) theihna pawh hi ani. (Hriatthiam theihna neilo chu bengnawng leh mitdel chikhat ani. Mahse, bengngawng leh mitdel chi ah chuan a hlauhawmber, a chhan chu Pathian Thu hmufiahlo/hrethiamloa khawvel ngaihdan zui chu boralna ani si a. Hrethiam tur chuan ngaihdan vawn nghehloha paihboa, thinlung hawna, "Lalpa I thu ka awih ang, khawngaihin min paih suh la min hriatthiam tir, min pui zawk ta che," tih mai hi ani.)
   Mahse, he thluak mit leh bengte pawh hian dawt phuahchawpte a hmu ve thei a, bumin a awm thei ani. Entirnan, mithi tate kan mangah (kan thluak home pageah/thil thar lo lanna - ngaihtuahnaah (google/facebook home page/whatsapp message/youtubea thil/video emaw harhfimlaia mi kan hmuh ang deuh hian) kan hmu a, kan thluak kâ hmangin kan biaa, thawh hnuah a takah mithi thlarau chu awm tak tak nia rinna/ngaihna/ngaihdan kan neih phah thei ani. Mahse chumi rin chu dâwt rinna mai ani si. Bum kan ni tihna ani si.
   Entirna dang pakhat leh chiang tak bawk chu, Khawvela Bible (pakhat) in Zirtirna pakhat a pek laia, Bible thu ṭhenkhat laa ngaihdana siam zirtirna chi hrang hrang lo piang chhuaka kohhran hrang hrang lo awm phahna chhan pawh kan hrethiam thei nghal awm e.

   *PATHIANIN MIHRING A BIAK DAN*
   *CHUTIANG BAWKIN SETAN'A LEH A HOTEN MIHRING AN BUM DAN*
   Pathian chuan a chhiahhlawh mihringte chu an thluak mit leh beng hmangin A be ṭhin ani. Mit leh beng pangai pawh A hmang bawk. Aw te, Inlarna mangte leh inlarnate chu chung hmangin A bia in A hmuh tir ṭhin ani.
   Mahse, hei pawh hi hriattur, a chhiahhlawhte emaw/leh a biak duhte thluakah thu leh thil A dah thei ani. Chu A thu  dahte chu "A lang tlat," kan tih angte leh kan ngaihtuah chhuah atan kan thluaka thu (Ideate, hriatthiamnate, hrilfiahnate, thufingte) ani thei ani.

   Mahse, a lang tlat nazawng leh thu, mang nung/inlarna mang leh inlarna nazawng chu Pathian pek ani kherlo. Bible nen a inmil em tih chu inzawha Bible chu a tehna/fiahnaa hman fo tur ani.
   Setana leh a hote, an thlah lasi leh ramhuai kan tih tam takte pawh in aw, mang nung, inlarna leh "a lang tlat," leh thu (idea/ngaihdan leh thudik ṭhenkhat) te chu kan thluakah an dah theiin min hmuh tir ve theiin min be ve thei ani.
   Ani, a chang leh aw hmangin thluak bengah thilti tur Setan'a chuan a sawi ṭhin. Beng pangaiah nia langin midang hriat theih siloh hian a sawi bawk ṭhin.

   Entirnan, mi haihawt I ni a, chuan I smartphone chu tu emaw lut theiin, facebook/whatsappah thil (status) lo ziak zeuh zeuh ṭhin se, chuchu a tukah nangma ziah emaw I tih ang chu ani.
   Chutiang deuhin, I thluakah khan Lalpa rinna thu, "Lalpa chu ring la..," tih lam I ngaihtuaha mahse chutih vel laiin I ngaihtuah zawm turin Setan'a chuan, "Aman A ti vek ang. I thluak, kut leh ke hman a ngailo," tih thute, "Thupek Sawm zawm zawh anilo," tihte I thluakah alo daha, chu chu I ngaihtuahna in ava haichhuah meuh chuan nangma hriat leh finnaa I ngaihtuah emaw I tih mai chu ani, anihlohleh Pathian in A hriattir/hriatthiamtir/pek che emaw I tih mai chu ani.
   Mahse, bumna mai alo ni si, achhan chu Pathian in thluak leh taksa min pe a chungchu kan hman atan min pek ani si. A tih vek tur nilovin, kan tih ve tur a awm si. Diklo taka ti Tu anihloa ani ngai bawk dawnloh avangin zawm theihloh min pe bawk silova min pe ngai bawk dawn si lo.
   Chutiang bawkin, thlarau in thu kan thluaka an dahte, kan benga an sawite, inlarna, mi thusawi leh mahni thluak ngaihdante ring mai lo turin Bible pawh kan râwn atan Pathian in min pe bawk ani.

   Mang lama ramhuai emaw mang pangailo kan hmuhte, kan ngaihtuahnaa ngaihdan emaw thu, Bible kalh lo awmte aṭang chuan Setan'a leh a hote chuan kan thluak, rilru ngaihtuahna an hmu in an lut in, chung hmangin min bum thei ani tih kan hre thei ani.
   Entirna dang leh chu, hetiang ang deuh hian, mang mak pui pui pawh Thlarau ten min pe thei ani - I smartphoneah miin video alo thawn che a, chu chu I en thei ang khan, kan thluakah video ti mai ang, mang danglam takte leh pangai pawh an dah thei ani. Smartphonea video chu kan dah anihloh chuan min thawntu midang ani tih kan hre thei, mahse Thluaka Setan'ate hnathawh chu anni dah ani tih kan hria/hmu theilo. Mahse Bible kalh anih chuan Thlarau sual, bumhmang hnathawh ani tih erawh kan hre thei.
   Ngaihtuahna diklo (diklo hulhual/dik anga lang/dik nena inpawlh diklo) zawng zawng chu Setan'a ani veklo. Kan duh thua kan ngaihtuah leh chhia leh ṭha hriatna in a hriat avangte pawha kan ngaihtuahnaa lo awm/langte pawh an ni. Hriat hran a har ani.

   Tin, he thu leh post hmasate pawmlo tura titu che Thlarau apiang chu Bumna Thlarau ani.
   "Hmangaih tak, thlarau zawng zawng ring suh, mahse thlaraute chu Pathian ata anih leh nihloh fiah rawh: achhan chu zawlnei diklote khawvelah an chhuak si a," tih ang khan Bible hmanga fiah zel tur ani, hriat hran a awlsam kher silo ṭhin a. (1 John 4: 1 KJV)

   *HURNA LEH SUALNA THLARAU*
   Thil pakhat, hurna leh sualna lo pung tur Zawlnei ṭhenkhat sawi pawh a dik ani. Achhan chu Setan'a leh a hote chuan mihring thluakah zawhmawhte, sex tihlaite, mi châkna, mi huatnate, thah duhna thute an dah thei si tih a chunga kan sawi tawh ang khian kan hre thei mai awm e. Chungchu kan thluakah an dah chuan kan ngaihtuah vutvuta, ngaihtuah na nana chu chakna a chhuaka, tichuan tih duh thlanna, tih tumna leh thawhchhuahna a thleng ṭhin.

   Lalpa Thlarau sawi, hneh theih dan chu, chung ngaihtuahnate chu eng atan maha ngaihlo, ngaihtuah zawmloh ani mai. Bible hmanga kan fiaha Setan'a aw, mang leh inlarnate pawh lo nise ngaihsak tur anilo.
   Ṭawngṭai chu tih ngei ngei tur erawh ani.
   Engpawh nise, duhthlanna chu I thu thu, I kuta awm ani reng ani tih hria ang che.

   Hetiang hriatnate hi Pathian in a ziaktu hmanga A pek che ani a, Pathian thu (Bible kalh nilo Bible thu) dang postte Krista pahnihna thute pawh, pek I ni, Pathian duhzawng ani tih lo pawmin lo nunpui ta che chatuana nunna I neih nan, I boralloh nan.
   Kan thiltih hi kan ti mai mai lo. Pathian thu ang phuahchawp emaw ngaihdan kan sawi ve mai mai lo.

  
   facebook groupa en duh tan:
   Krista Pahnihna Bible leh A. D. Zawlneite Hrilhlawk Hriatchianna