Krista leh Zawlnei Derte, Krista Pahnihna Dotute leh Krista Pahnihna Hriatchian Belhna
Krista Pahnihna chu Satan'a tirhkoh ani titute chu bumtu dik tak Biblea ziak Pathian thu pawmlo tute, Pathian dotute anni. An simloh chuan Pathian hmelma kumhlun dik tak anni.
Anni chuan Matthai'a bu 24: 23, 24 te hi an ṭanchhan ani.
*I han chhui chiang ang, "Mat 24: 23 Chuan tu pawhin I hnenah tihian, awi, heta hi Krista chu a awm, anihloh leh sotah sawn; a tih chuan ring suh u. 24 Achhanchu Krista diklote an lo chhuak dawn si a, chuan zawlnei diklote, chuan chhinchhiahna leh thilmak nasa takte an hmuhtir ang; a nasa lutuk chu, a theih chuan, thlan ngei pawh an bum ang," Mat 24*
Lal Isua'n A kal hnuah Amah anga in chhal an lo awm tur thu A sawi a, mahse chung ho, krista diklo leh zawlnei diklote chuan Pathian thu ni lovin thilmak tih theihna in ani a theih chuan thlante meuh pawh an tihder ang Kan Lal Isua'n A tih. Achhan chu Pathian Thu Biblea an thu ziahna an hmuhloh bakah fiah theih tur khawp leh fiah taka ṭanchhan tur an nei lo. Chuvangin, Setan'an thiltihtheihna a pek hmangin khawvel an tih der dawn ani, an thiltihtheihna chu a nasa/lian hle dawn si a. Chutiang, Kristaa (Pakhatna emaw pahnihna pawh nise) inchhal Krista pahnihna hnuah pawh an awm dawn ani.
Krista Pahnihna chuan Lal Isua (Krista Pakhatna) kha ka ni atih chuan ader ani tih Lal Isua hrilhlawk aṭang khian kan hre thei nghal ani.
*Mahse Krista Pahnihna chuan Lal Isua kha ka ni ati dawnlo, chuchu ani a danglamna, chuvang chuan amah do nan khi Bible chang khi hman theih anilo. A hmangtute chu mi dawheh, Setan'a hmanrua anni tih a lantir zawk ani.*
*Lal Isua khan Krista pahnihna thu A sawilo tih hriat bawk tur ani. Chung vang chuan khi Lal Isua thu chu Krista pahnihna sawichhiatnan leh do nana hmangtute chu mi dawheh, Satan'a hmanrua anni tih an in lantir zawk ani.*
*Krista Pahnihte erawh chuan Pathian Thu Bible'a ziak angin an sawi zawk ani. Chuchu ani Pathian tirh an nih zia a chianna. Chuvang chuan Krista Pahnihna dotute chuan Krista Pakhatna leh ropui zawk pawh chu an do tihna anih chu, Pathian an do tlat si a.*
*Krista Pahnihna chuan Bible - Zawlneite leh Lal Isua (Krista Pakhatna) thute a hrilhfiah zel bawk dawn anih chu. Chuchu ani Krista der emaw Setan'a hmanrua anihlohna hmuhchian theihna, Pathian chhiahhlawh anih zia hmuh theih dan chu.*
Hriat tur pawimawh em em leh pakhat chu Lal Isua rawn kal hma khan "Krista (Messiah)" ka ni titu an awm ngailo, achhan chu Pathian thu chu Pathian in a hum tlat si a. Bibleah ziakin awm mahsela tuman an hrechhuakin an hrethiamlo, hriatthiamna Pathian in A mi ruata ngei lo chu A pe duh lova, A mi ruata, Lal Isua ngei chu hrilh leh nunfiah tir A duh tlat si atin ni.
*Chutiang bawkin Bible'a ziak Krista pahnihna thu hmangin Krista pahnihna ka ni titu emaw hrilhfiahtu an la awm ngailo. Chuvangin, chu tak chu ani a danglamna leh a dikna kan hmuh leh theihna pakhat chu.*
Lal Isua kha beram vengtu anih kha, Krista pahnihna pawh Genesis 49: 24ah beram vengtu tiin ziah ani bawk. Lal Isua kha Isaia 52ah Lalpa'n Ka Chhiahhlawh A tih a, Isaia 42ah Krista Pahnihna chu Lalpa'n Ka Chhiahhlawh A ti leh bawk, Zakaria 11ah Lal Isua chu "Ka tiang Mawi" A ti a, Krista pahnihna chu "Ka tiang inpumkhatna" tiin a sawi leh bawk.
*Chutiang bawkin Bible chang dang tamtakah Krista Pahnihna thu hrilhlawkna ziak a awma, A. D. Zawlnei tamtak pawn an hrilhlawkna thu a awm lehnhal zel bawka, chung Pathian Thu pawmloa lo hnial leh dotute chu Pathian hnial leh dotu anni. Anmahniah "eng" (Pathian thu) a awmlo, phuah chawp bak chu. Lal Isua hunlaia Pharisai ho ang kha anni, an chan tur chu a hmuh theih reng mai.*
Krista Pahnihna chu Messiah/Hriakthih Pahnihna ni e mahse Satan'a tirhkoh ani titute chuan Bible chang hmanga fiah taka kawhhmuh theihna anneilo, anni zawk chu Satan'a tirhkohte anni tih chu chuan ati chiang hle. Chungho chu Setanic te leh an duh thua Setan'a zuilo mahsela Setan'a belchhung sa (Pharisai ho ang kha) anni.
*Chuvang chuan engahnge ngaihdan mai leh Satan'an Krista Pahnihna a dona thuhmanrua hmanga sawitute thusawi kan awih anga buma awmte kan nih ve ringawt ang?*
Krista pahnihna chu a nunah khawvel mi nihna langin sawisel tur pawh awm mahse Pathian chhiahhlawh, Krista pahnihna anihna abo chuanglo. Isaia 42 ah chuan Lalpa'n Ka chhiahhlawh mitdel leh bengngawng ati tlat ani, chuchu misual leh mi â tiin hrilhfiah theih ani.
*Engtin pawh awm se, a duhduh kawng zawh mahse Pathian thu dik erawh a kâ aṭang a chhuak dawn ani tih a hriat theih, Pathianin Ka chhiahhlawh Ati miau si a, tin, "a chungah Lalpa chu a lâwm ani, dan (Thupek Sawm) chu a ti lian in chawimawi tlakah a siam dawn si," A ti lehnghal zawk ani Bible bung kan tarlan takah khian. Chuvang chuan a thu lo awih chu chatuan nunna chang duhte tana tih tur ani mai.*
A kawng thuah tu sawisel theih anilo, achhan chu Sam 91ah a chungthu ti hian hrilhlawk ani, "Achhan chu, Amah chuan I kawng tinrengah humhim tur che in A vantirhkohte chu thu A pe dawn si a," tiin.
*Sam 91 hi Lal Isua sawina alawm tia hnialte tan chuan Bible thu ṭhenkhatte chuan Krista Pahnihte thu arualin an sawi ṭhin ani tih hi hriat tur. Entirna pakhat chu Pu Abraham'a hnenah Pathianin, "nangmahah chuan khawvel chhungkua zawng zawng malsawn anni ang," tih hi ani. Chu malsawmna chu Krista Pahnihte hi anni.*
Tin, Sam 91 hi Krista pahnihna thu hrilhlawkna ani mah zawk, achhan chu Lal Isua kha engkim hria leh thiltithei ani a Pathian Vantirhkohte ven vak angailo.
*A hlauhawmber nita chu tu emaw nunna laksak duh hial khawpin Krista Pahnihna tih thinrim ani hlauh anga chu kawng chu zawh atan a thlang ang tih hi ani, ani a hlauhawmna chu a kawng tinrengah Pathian Vantirhkohten an veng tlat si a.*
A kawng zawh duh zawng a zawh theih thu tinghet lehzual turin A. D. Korean Zawlnei "Tunge A Nih? ziaktu Sung Ko Moo," buah chuan ti hian hrilhlawk ani, "Pathian phalna ani mi pakhat tawp niteah lo piangnawna Confucianism, Buddhism, Christianity leh sakhua dang zawng zawngte pumpui aiawh turin," tiin.
Facebook groupa en duh tan:
Comments
Post a Comment