Damchhung Atana Nawmna Zawng Chhungkhaw Khat Thil Hmuh (Tehkhinna)

   Ei leh in tur leh chenna in leh lo neih tuma theih tawp chhuaha hna ṭha zawng chhungkaw khat hian an ṭhian rangkachak leh lunghlu tamtak neia rawn haw hi an tawk a. Pa ber chuan, "Ṭhiana khawngaihin min hrilh ve teh," ati a.
   *An ṭhianpa chuan, "I lo hre ve na nge, kan ram zau neitu chuan mitin tan hna a nei a, a fing chu kan lo hausa haw zel nih hi," ati a.*

   Pa ber chuan, "Ka lawm e, kan vanneihna a awm ve maw kan va en ve chhin ange," ati a, ka nupui leh fanaute rawn in, hauhsak an lo phur tlan avangin chu ram zau tak neitu hnenah hna dil turin an kal chhuak ve ta a, ram neitu kulh kawngkhara mi tamtak zinga tal lutin hna an dil ve ta a.

   *Ram neitu chu khandaih vir tawn zak zak, a changa lehkhabu anga lo lang ṭhin kengtute chuan zah takin avel zau tak an luah khat a. Tin, ram neitu rama hnathawhna dil leh hnathawk chu anlo tam khawp tih an hmu bawka, a ṭhen rangkachak chhiartute, lunghlu chhiartute, thilhlu semtute, leilettute, ro khur laitute an awm ṭeuh a. Ram neitu vela ding pakhat chu chhungkaw khat hnenah kalin ro khur lai turin ati a, an lai ve nghal bawk a.* Mahse an thawk hlawk vaklo ani, achhan chu an ei leh in tur an dap chawp ve zel angai si a. An mamawh phuhruk nan a chang leh leilettu an va pui thul, an la ṭhalai hlawma a ziaawm deuh zawk a. An vanneih phei chuan thilhlu semtute hnen aṭang thil an dawng ve bawk a.

   *Nikhat chu rangkachak kawng an lai fuh a an hlim khawp mai. Ram neitu hnen an va thlena, "Lalpa, kan hlawh min pe la kan kal tawh mai ange, kan damchhung kan daih tawh ang," an ti a.*

   Mahse, Ram neitu vela ding khandaih vir tawn zak zak lehkhabu anga lang ṭhin keng pakhat bawk chuan, "La thawk hram teh u, kan lal duhber nunna tui in la laichhuak hlei nem, a sem ve dawn che u ani. In rangkachak chu thilhlu semtute hnenah in dah dawn nia, thukru ṭhenin tlanbo pui suh u ram neitun ati," ati a.

   *"Chuti chu kan han thawk leh ange," tiin chu chhungkua chuan an rangkachak laihchhuahte chu Ram neitu sawinaah an pe a, chuan an hna an chhunzawm leh ta a.*

   Nikhat chu lunghlu hmun an lai fuh leh a, an hlim em em a, I duh tawk mai teh ang u, damchhung tawiteah rim taka thawh a nuamchen loh zawng awmzia awmlo tiin an sawi nak naka, mahse ram neitu chuan a hmaa a ngen angin a ngen tlata an thawk chhun zawm leh ta a.

   *A tawpah chuan nunna tui hnar an lai chhuaka, ram neitu hnenah an va tlan a, ram neitu vela ding pakhat bawk chuan, "Chu nunna tui chu in ula, ka rote min ṭawmpuiin ka ram zau takah hian thi ngailo turin awm hlen tawh rawh u, saw ta saw in tan rangkachak in pawh sak anih saw, ram neitu in ati," ati a.*

   Chu chhungkua chu an hlim em em a, an va kira an khura nunna tui in an tum lai chuan, kawr duma inthuam sipaite chu an lo tleh thla hlawk hlawka, an ṭhianpa leh a ṭhiante pawh an tel hlawm a, rangkachak leh lunghlu chhiartute, thilhlu sem ṭhinte zinga tel ṭhinte pawh an tel nawk a. *"In in chuan sawisak hlum in ni ang, in duh loh chuan, rangkachak leh lunghlu te kha hai leh ula tlanbopui rawh u," an ti a.*

   An chhungkua chu an inhnial nak naka, mahse an zinga tu emaw chuan, "Ram neitu hnenah I va thlen ang u," a ti a. Chuan, Pa ber chu ava kal a, Ram neitu chuan, "Va kal la, nunna tui in duhte ko khawm rawh, a daltu apiang che chu I duh chuan dahbo theihna thu ka pe a che. I koh khawm hnuah I tih tur ka hriattir leh ang che," a ti a.
   Tichuan, khandaih paiin a chhungte nen an chhuak ta a, nunna tui induh apiang an hruai khawm a. Lo do let tute chu a duh duh a dahbo ta a. Kawr duma inthuam sipaite leh an ṭhianpa leh ṭhiante pawh hlauin an inbiru a. An man fuh leh an dahbo duh chu an dahbo bawk a.

   Chhungkaw pa ber leh a chhungte nunna tui khurah chawl tawh tura anlo thlen chuan, an koh nunna tui in duh tamtak anlo kal khawm bawk a, chhungkaw member an pung chu an lawm a. Mahse, Kawr duma inthuam sipai dawihzepte leh an anpui unaute, nunna tui in ve duhlote dawihzepte leh nawmsak thlang zawkte chuan chance la in anlo chhuak in an lo tleh thla ve huk huk a. *"In in chuan sawisak hlum in ni ang, in duh loh chuan, rangkachak leh lunghlu te kha hai leh ula tlanbopui rawh u," an ti leh a.*
   Enge kan tih tak ang an tihlai chuan an bulah chuan ram neitu vela ding ṭhin pakhat chu alo kala, ani chuan, "Hlau suh u, in ula, heng rukru leh thim fate hi in sawisak tir zawk rawh u, anihlohleh ram neitu lo chhuah hunah hengho te nen thi silovin na takin rei tak a hrem che u in duh zawk ami. Heng miten mi an sawisakna zah ṭhin aia let tam in ania ram neitu in a hrem dawn," ati a.

   *Tichuan, chu chhungkhat te chu an inhnial nak nak a, pa ber chu a rawn au chhuak a, 'Duhthlan tur ava khirh emm, aw lalpa. Mahse reilote nawmsak chen hmasaa a hnua thi si lova sawisak tuar reng ai chuan hreawm tuar hmasaka thi thei tawh ngailo nuam chen a thlanawm zawk, aw ka lal min pui rawh,' tiin a chhungte a hrilh sapa, pa ber chu a rawn au chhuak ta a, "Aw ṭhianpa, mi rukrupa, ṭhian leh unaute thisen inpa, chuchu maw finna I tih, I hnung ka zui ve dawnlo, ka duhlo!!" tiin nunna tui chu in a tum chiah chu, rukru leh thim fate chuan an bawh nghala an sawisa nghal bawrh bawrh a, an tihlum ta der a. Tichuan, a chhungte zinga a tih ang ti apiangte pawh chu an sawisa in an that zawm zel hlawm ta ani. Chutihlai chuan, kawr var êng mawi tak hate chuan, "Unau in unau a tihlum, ava rapthlak em, lenrual an kim ta lo, chhungkua an kim ta lo," tih hla anlo sa rat rat a, "A pawilo ti rawh, mam'a, mam'i, duh thuhmunte kan intawh khawm hunah chuan tudang kan ngai bik tawh lovang, ti rawh duat, lokal rawh," tiin an ṭingṭangte dahṭha in an ṭap hawm hawm a.*

   Mahse, a hun alo thlen chuan, nunna tuihnara thi an nih avang chuan, chu nunna tui lo pung zel chu an kâah alut a, thi thei tawhlo turin an lo nungin anlo tho chhuak leh ta ani. Tichuan, damchhung tawite nawmsakna duha thlangtute chung thu rela nghaisak hun alo thleng ve ta a.

   *"Thupuan 2: 10 Chungtiang I tuar tur thilte pakhatmah hlau suh: en rawh, sualpâ chuan tan inah in zinga ṭhenkhatte a paih lut dawn si, fiaha in awm nan; chuan ni sawm tuarna nasa tak I nei ang: thih thlengin rinawm rawh, chuan nunna lallukhum ka ang che. 11 Beng nei chuan kohhran-te (Pathian inte) hnena Thlarau sawi hi hre rawh se; hnehchhuak tu chu thih hnihna in ati na lovang. " (KJV)*

   https://KristaPahnihna.blogspot.com
   Bible leh AD Zawlneite Hrilhlawk Krista Pahnihna Hriatchianna
   https://www.facebook.com/groups/2150027145283886/