Angel Tlu Nge Fael? Mang Nung Nge Mang Maimai?

   Kei Penglengpung'a hian ka pu story tak tak ama sawi angin ka han sawi ange: "Pathian ni chhiar dana May 7 2018 zanlai pelh hnu fe ah chuan ka ṭawngṭai lai chuan ka lo muhila mang ka nei a, tin, ngaiteh, ka mangah chuan car chhungah ka ṭhu a, ka ding lamah hmeichhia nia ka hriat a ṭhu a. Ka hmaah chuan driver chu a seatah leh midang pakhat vei lam seatah a ṭhu. Mahse ka khaw hmuh chu a thim tlata, engmah ka hmu theilo. Heng ho hian min sawisak hrep tum an nih dawn hi tih ka ngaihtuah a.
   Nakin deuhah chuan ka kut in ka hmai ami thil ka la kianga, ka bula ṭhu hmeichhia chuan a kutin ka mit hi alo khuh reng mai tih ka hre ta a. Tin, ka han en chhuak chu car hma darthlalang aṭang tlang ka hmu a, ka lo khawsak tawhna ram anih hi ka ti a. Khawnge min hruai dawn ni, min sawisa hrep turin ni ngei ang tih ka la ngaihtuah in ka hria. Mahse ka khaw hmuh chu a thim leh a, hmeichhia chuan ka mit a kutin a khuh leh anih hi tih ka ngaihtuah in ka hria.

   Nakinah chuan min hruai tumna hmun kan thlenga, min sawisa hrep ngei dawn anih hi tih ka ngaihtuah avang chuan tlan chhuah dan tur ka zawng ru a, mahse ka hmu zo si lo. Hmeichhia chu car kawng ka hawn pawn ka hnung lamah ala ṭhu si. Pawnah lah veilam seata ṭhu chu a chhuakin car kawngkhar bulah a ding niin ka hria. Tlan thut ila tih ka ngahtuah pawn min man hman dawn tho si. Ka tuar mai angai dawn anih hi tih ka ngaihtuah a. Chuan min hruainaah chuan ka kal ve zela.

   Chuan, car seat veilama ṭhu chuan hmun hla deuh hlekah min hruai hranga eng chiah nge kan sawi ka hre tawhlo. Mahse, nakinah chuan thilziak min hmuh a, ka en chu Vanram a luh duh thu ani a. Ka kutphah dinglam chu a kutphahin min rawn vuan a, a kut chu a puam ve hle tih ka hmu, drug tiho kut puam ang hian a puam a, a nem deuh sukin a kut lehlam pawn ka kut phah hnunglam a vuan niin ka hria.
   Kei chuan Biblea Krista pahnihna thu ziak chang pakhat kawk in ka hmuha. A ngawi renga, rei fe kan ngawih hnuah a thuziak tlemte chu chhiar leh tumin ka han ena, ka chhiara, "...Will you welcome me in Heaven?" tih hi ka chhiar a. Ani chu a ngawi renga, ka hmaah a awma, mahse kan in vuan tawh pawn ka hrelo. Kei pawh ngawi rengin ka mit sir in thuziak chu ennawn en nawnin chhiar chhuah nawn ka tum tluk tluka, tichuan ka lo harh chhuaka, chuan ka ṭawngṭai lai chu ka lo muhil ani tih hriain ka zawm leh ta ani."
Tichuan, a hre phak in ka hria a, Pathian thu thu ani tih lamte sawi in Aw ka han ti bawk a. A tan leh anmahni tan Pa Pathian hnenah Lal Isua Krista hmung ka dil sak ta ani."

   facebook groupa en duh tan:
   Krista Pahnihna Bible leh A. D. Zawlneite Hrilhlawk Hriatchianna