Setan'an Mihring Ngaihtuahna A Hrethei leh Bumtute Zia (Hmelma Hriatna)
A hmasaber in Pathian Thu hnialkalh tute lakah fimkhur rawh an bumna thanga I in awha an tlaknaa I tlakloh nan. Fiah an ngai anih pawn fiah rawh. Tichuan, tangka (coin) lehlam thu chauh sawi anni tih I hria ang. A hrilhfiahna erawh lehlamah (Bible chang dangah) a awm si. An ngaihdan milah chauh khaw hmu thei thudikah erawh mitdel tlat anni e.
*Setan'an mihring rilru, ngaihtuahna a hria tih hi dawt ani titute lo harh ve nan leh chu an dawt thuahte buma awmte an chhuah nan leh hriatbelh duhte tan.*
Setan'an mihringte rilru a hre thei tih tlang taka ziahna Bibleah a awmlo a, a hretheilo tih phei chu a awm teuh lo. A hrethei tih erawh hriatthiam theih tur khawpin a inziak thung. A hnuai ami ang hian, hrilhfiahna nen:
*Lal Solomon'a khan a ṭawngṭainaah, "(Achhan chu Nangman, Nangmah chauh in, mihringte fate thinlung zawng zawng I hre si a;)" ati ani.* *1 Lalte 8: 39*
He Bible chang hi chhut chianloh chuan Vantirhkohte (Angel tlute tiamin) chuan mihring rilru an hre velo tih awlsam tak ani. Khi kan sawi mitdel ho tan chuan he chang hi ṭanchhan ṭha tak ani, mahse Bible chang dangah, a hrilhfiah nan a awm si.
*David'a chuan Bethseba'i pasal Uria'a chunga thil sual tak, a tihsual chuan Zawlnei Nathan'an Pathian Thu ava hrilh khan a in hrechhuaka, ti hian a ṭawngṭai ta ani, "Nangmah kalhin, nangma chungah chauh, ka sual ta, chuan he sual hi I mithmuhah ka ti ta: (Mizo lehlin dangah, "I chung chauhah thil ka tisual a,") ati ani. Sam 51: 4*
Khi Bible chang pahnih khi mihring pahnih ten Pathian an rinna/rindan thu ani a, Pathian Thuneihna leh Thiltihtheihna chungchuang an sawina ani. Dik pawh a dik ani. Mahse Lal Solomon'a chuan Vantirhkohte thu a sawina anilo, thiltihtheihna, mihring rilru hriattheihna Pathianin A pek leh pekloh an neih leh neihloh a sawina anilo. Lal David'a pawh chuan mihring chungah ka tisuallo a tihna anilo. Chuvang chuan Vantirkohte chuan mihring rilru an hre theilo kan ti ngawt theilo, achhan chu Lal Solomon'a khan Pathian in Vantirhkohte A siam khan mihring rilru hrethei emaw hretheilo turin A siam leh siamloh a sawina anihloh bakah a hrilhfiah nghal bawklo ani. A hrilhfiahna chu a hnuaia ziah ang hi ani.
*Khi Bible thu ah Lal David'a chu Uria'a chungah a sual lo, a ti suallo tihna em ni?*
*Dik tak chuan a tih sual zia kan hmu. Khitia Pathian hnenah I chungah chauh ka ti sual ta a tih chhan chu "Sual duhlotu bulpui chu Pathian ani a, midang chunga kan sual chu Ama chunga sualna ani a, tin, Amah chauhin meidilah paihloh turin chatuana Ngaidamna A pe theia, mihringte pawh ngaihdamna a pektir thei bawk," tih a hre tlat ani.*
Chutiang bawkin, Lal Solomon'an "Nangmah chauhin ngaihtuahna, rilru I hria," atih chhan chu rilru hretu Bulpui, Angelte pawh mihring ngaihtuahna hriattheihna pe Tu chu Pathian ani tlat atin ni.
*Ethiopia mitilrehin Zawlnei Isaia bu a chhiar kha Thlarau Thianghlim (Vantirhkoh) chuan a ngaihtuahna, rilru hmu, hria in a hrethiamlo ani tih Vantirhkoh (Thlarau Thianghlim) khan hriain Pu Philip'a chu hrilhfiah turin a tir ta ani.*
Vantirkohte Pathianin hriatna, hriat theihna A pek tam zia chu, chuta ṭang pawn kan hre nghal thei. Vantirhkoh chuan Pu Philip'a hnenah "Va hrilhfiah rawh," a ti lo, mahse a hrilfiah mai dawn ani tih pawh a hre vek zawk ani. Ethiopia mitilreh leh Pu Philip'a rilru a hria mai nilo an rilru, ngaihtuah tur (ṭhenkhat) a hrelawk tihna anih chu. (Tirhkohte Thiltih 8: 34-38)
*Vantirhkoh ten mihring rilru hre theilo se mihring thinlung ṭhat leh ṭhatloh Pathian hnenah report an pe thei nang, an thiltih sual emaw ṭha emaw an duhthlannaa an tih leh tihloh ani tih an report thei nang. Chu mai nilovin Pathian Tirhkoh annih angin mihring thinlung an hriat theihloh chuan ṭanpui emaw enliam mai tur leh turloh mihring an hre thei nang.*
Satan'a pawh Vantirhkoh ani a, chumai anilo, hotu sangtak zinga mi ani a, mihring rilru a hre em em ani tih kan hrethei nghal ani, achhan chu Pathianin thiltihtheihna A pek a lakkir sak silo va. Thlarau Thianghlim nen a danglamna chu a kal sualna chu ani, mahse chuchu kal sualna nasa tak ani si.
*He hrilhfiahna hi I hrethiam ngei anga Bible chang pakhatmah a kalhlo tih pawh.* *Bible chang dang kalh tlat zirtirna lakah fimkhur rawh, bumna ani si, eng kohhran doctrine pawh nise. Chuan he zawhnate hi han inzawt rawh:*
Kohhran (zirtirna, doctrine) hrang hrang engvanga awm nge, khawvelin Bible a hriatthiamloh vang ani lawm ni?
I awmna kohhranah engvangnge I awm, I hriatthiamloh avangin dikah I ngaia I awm ani lawm ni?
*Ethiopia pa ang khan Pathian hrilhfiahna I pawm ve dawn em, Bible hmanga Bible hrilhfiahna, chang dang kalhna awm miahlo hi?*
Khawvel in, ani nangman I hriatthiamloh avang ani lawm ni he thute hi ziah anih?
*BUMTUTE ZIA*
"Hei lai hi a diklo, dawt ani, rawngbawltu der ani, mahse hrilh lovang, ti sual zel rawh se, emaw a tihsual I chang ang," titu, bumtute zia nei an awm leh tuptup tawh. Lal Isua pawh Juda ho khan A tih sual chang rengin an awm kha. Chutiang titute chu annihna a lang chiang reng mai - Pathian duh zawnga mite zanpuitu nilo chu sawiloh Pathian dotu anni. Chuan, an doctrine leh thusawi, ngaihdan phuahchawp chu a awmzia hlimlan sak niin an diklo zia a lang palh ange tiin tiang khian an awm ani, ani, anmahni inkar leh mi an bum tumte karah chauh sawi tittet in an awm ani. Mi dawihzep tak pawh anni tih ati lang anih chu.
*Pathian hnenah lawmthu sawi tur kan ni. Lal Isua kan hmaa A tirh avang khan, hunhnuhnung ami ten bumtute zia kan lo hriat nan bumtute chu A hmachhawnin A tuar tir avang khan. Chuvangin, Pathian hnenah lawmthu hlan nise, fakna pekin awm rawh se. Lal Isua Pa Pathian thu awiha thih thlenga lo tuar hnenah pawh lawmthu hlan nise, fakna pawh pek ni rawh se.*
Aw, boral tur bumtute chuan, "chulai changah heti hian a inziak sia, enge awmzia," tiin hriatna dik zawng sela inngaitlawmin Pathian Thu thar emaw/leh hrilhfiahna pawm mai se ṭha tur, Lalpaah an inchhandam ani mai dawn si.
Aw, an nunna an hmangaihlo em ni aw, meidila sâ, nâ leh tui hâlna rapthlak engah nge an thlan zawk? An taksa leh nunna ai chuan an nihna leh midangina an hmuh dan tur an care zawk em ni aw? Meidila rei tak tuarna rapthlak tak pumpelh ai chuan engah nge annihna leh damchhung tawite khawvel hmingṭhatna leh nawmna an thlan zawk aw?
facebook groupa en duh tan:
Comments
Post a Comment