Penglengpung'a: Ka Pa Thlahrang leh Hauhsakna Thuruk (Thawnthu Ril)

Mualcham (Burma Zohmun bul) ah malariaa ka damloh lai ani a. Kan haw dawn lamin ka ṭhianpa nen nuthlawi hmelṭha tak hi kan tawk a. Anu ṭhiannu alo ni a, an khuaah Kanaan (Khampat bul) ah kan zui haw ve ta a. Chumi zanlai velah zun chhuakin min ti harh amawni pawnah ka kal ṭawkṭawk chu, thli nuam tak a rawn thaw heuh heuha, mahse a rawn vawt thut a, ka hma ram lam aṭang chuan thil var hi ka lam panin a rawn tleng phei zawrzawra. Ka hlau lutuk chu, tlankir pawh ka theilo, chet pawh ka che theilo.

*Chu thilvar ka hmuh chu a rawn hnaih deuh a, ka pa hmel ang ka ti deuh va. A rawn hnaih deuha, a thih laia a kawrhak ka hmuh leh chuan, ka pa thlarau anih hi ka ti a, mihringte hi kan hlauh lutuk avang pawh hian che hleitheilo in kan awm thei ani tihte, thidang hial thei kanni tihte ka hre chhuak a, ka hlauhna a reh deuh a, tichuan, "Pa!" tiin ka au a.*

Ka pa thlarau chu a rawn tleng hnai pah chuan, "Penglengpung, hei lai daih daihah enge I rawn tiha," a tia.

Ka pa thlarau ngei anih dawn hi ama min phuah hming, a rukte chauha min kohna in min ko tlat ka ti a. *"Ka ṭhianpa khua ka hmu ve duh a ka rawn zui. Mahse, pa, nang khawnge I kal dawn?" ka ti a, ka hlauhna chu a awm talo, mahse ala vawt deuh khawp mai.*

"Rethei taka in awm ka hmuh hian ka lung ana lutuk a, hausakna thuruk ka rawn hrilh mai ang che," ati a.

*Ka va han lawm tak em, a lawm hian ka lawm zawt zawt niber mai, "Enge hauhsakna thuruk chu, pa?" ka ti vat a.*

"Lei hauhsakna chu boralna ani a, van hauhsakna chu chatuana nunna neihna ani tih I hriat kha. Chu, lei hauhsakna nge van hauhsakna I duh?" ati a.

*Ka inngaihtuah vang vanga, "A pahnih hnihin, pa."*

"Min ti lawm khawp mai, I fin avangin. hrilh pawh I ngaih dawn loh hi," a ti a, a sir lam a en phei a.

*"Pa mawh, min hrilh rawh. Fing ila ka hausa tawh ang chu, mawh, nang thlarau khawvel aṭanga engkim hre thei chuan hauhsakna thuruk min hrilh la, ka pa I nih kha, mawh?" ka ti a, ka tum deuh hmak a.*

"Ani tak e, hnehna chu mi huaisen ta ani chuanglo, hauhsakna pawh mi fing ta ani chuanglo tih ziak ani tak e. Kan hrilh mai ang che, Lal Isua in a sawi kha, "A ram leh a felna chu zawng hmasa la tichuan chung zawng zawng chu pek belh chhah I ni ang," tiin.

*"Aa ka pa chu. Anih, a hranin khawngaihin lei hauhsakna thuruk min hrilh rawh, pa, please, min hmangaih chuan," ka ti a.*

"Ka hmangaih che alawm. I thluak hmang la thawk la beidawng suh tihte hi ani mai."

*"Chute chu ka hria alawm, lei hauhsakna thuruk hran bik a awmlo maw, pa?"*

"Awm e, fing taka, rukruk, hauhsakna sum, thil emaw ro ruk ani mai. Chuchuan eirukte, mi nunna tihchhiat leh lakte pawh a huam tel vek. Mahse chung chu ti ve suh. Lal Isua ring bur mai rawh."

*"Pa, ka lawm e," tiin ka kuah a. Min kuah ve rial rial a, "Ka ngai lutuk che u, I nu pawh kha ka ngaihzia lo hrilh rawh," ati a.*

Thil ka hrechhuak zawk a, "E, e, ka hrechhuak leh, ka pa thlarau I nilo, thih hnu thlarau nung a awmlo," ka ti a, ka pa hmel a put avang te khan ka pa thlarau tak tak emaw ka lo ti hman ani tih ka hre chhuak a.

*"Awmlo se ka lo kal nang, I pa ngei ka nia lawm."*

"Mahse, I kawr in thlarau anei ve ami, engtin nge I thihlai kawr I hak theih? Taksate engtinnge I neih theih a, thiltihtheihnate pawh? Khawvel hauhsakna pawh ka hria, Pathian ngaihsak lova rosum uma tlan," ka ti a.

"Hmmmeeelll'a," atia a bo daih. 🤣🤣

*"Tu hmel pu in nge mi thlarau lemah I chan leh dawn, ramhuai pa, Satan'a kid! "Pathian thute chu I hre zek. Ani tak e, mihringte aiin in hre zawk, mahse a phena bumna mihring thlarau nung hran a awm tih mihringte min awihtir tumna kha ka hailo, chumi zawha, thlarau biakna pawh," tiin ka au zui a.*

"Chuan, I thil sawite kha hriatloh sawi I ang, haha. In pu Satan'a lo tir ru, ka lo sawp zek ange," kan ti zui nghal ah.

Engemawni hi alo thlawk thim phei fuata min deng dawt a, leiah ka let nghala khua ka hre zui talo.

Pathian Thu hmu thei rawh.

facebook groupa en duh tan:

Krista Pahnihna Bible leh A. D. Zawlneite Hrilhlawk Hriatchianna