Penglengpung'a: Hmangaihna Vanduai? (Thawnthu Fiamthu)
Kan khua aṭanga Imphal pana bus a ka chuang chu a seat hnung berah ka thru a, achhan chu insawh detdette hi nuam ka ti a.
Mahse Tengnopal thlen hma ram ngaw awmna laiah bus a chhiaa pawnah kan inti harh sung sungah. Chutihlai chuan ram ngaw aṭang nula hmelṭha deuh hi alo chhuaka busah a lut daih a. An khua chu ava kilkhawr awm ve, nitak e, khaw kilkhawr deuh deuh a awm thluah tih ka ngaihtuah chhuak a mahse a hmelṭha reuh e, chutiang a hmelṭha kan khua mai nilo, khawvelah ka la hmu ngailo, TV ah pawn ani tluk anla langlo, a ṭhutna en tumin ka va lut a. A hnungber seatah chuan alo ṭhu a. Ni tak e, a hnungber chiah a ruak a, midang chu an seatah an thawmhnawte an daha luahlai tih a hriat reng mai.
Nula chu ngaizawng chakin "E, ka seatah ṭhutpui tur ka nei dawn ani maw, mahni chauhin ka ṭhua ka khawhar lek lek asin," tiin Manipur Meitei ṭawngin ka bia a. Chutihlai chuan bus chu an han starta a nung ve maia, an lo lut supsupa kan tlan leh taa.
Kawngah chuan chu nula nen chuan kan in bia a, keilah nula try dan thiamlo chu "Ka hmangaih che, damchhung kawp atan ka duh che, min duh ve em," ka ti leh ta pek a. Mahse ka ti taktak ani, model leh starte ai pawn ṭha ka ti lutuk daih, tin, Imphalah emaw kan inṭhen leh mai dawn sia, hun ka nei tamlo bawk nen.
Nui sangin, "Duh tuk," ati, awi ka thlawklo chauh ani. Pen min dila ka pe a tichuan lehlam a hawia thil a ziak mawlh mawlh a, kei lah pek chuan fawh dan tur ngawt ka lo ngaihtuah pek a.
A lo hawi lam chuan hei ka chhuk a hnai tawh ati a, anih ka va ngaidawn che em ti pahin zeilo takin ka kuah a, khawi maw ka lo fawp che inthlah nan ka ti a, a dawh ve maia, tichuan kan infawp chawta, a rim chu ava han tui ber em, fawh nuam em em in a zei em em bawk. Mahse bus chu a ri ṭhawta a ding taa. Ka hawi chhuak chu ram ngaw mahse chaw tuitak eina hmun Palel kan hnaih hle tawh tih ka hmu a.
"Ka khaw kalna tur a hnai tawh tho a, ka kal phawt ange," tiin ka kutah lehkha leh pen chu arawn nem beta, "I chaw ei dawna I chhiar tur, min hmangaih tak tak chuan I chaw ei pawh a titui deuh mahna, bye," atia. "Bye ka Lalnu," tiin ka siai a. Ani chuan "Muah," atia, awi ka thi dawn, a hmelṭha lutuuukkk. A khaw kalna tur pawh chu khaw kilkhawr tak anih dawn hi ka tia, nula chak tak zawng ani, ka tia zui ve mai ka va duh rumrum em. Ka ngai em em mai si. Ka thinlung hi keimahah awmlo ang hmak ani, ka va khawhar em. Chutianga ngaih ka la nei ngailo, a hmelṭha chungchuang bawk si.
Palel chu kan thlenga, hmanhmawh tawkin arsa leh bawngsa lamin chawei tui dawn mange tiin rang mangkhengin lehkha chu ka phawrh thuaia, ka han chhiar nghal a, "Engpawh nise ka nihna avangin min ṭhen suh aw, khawngaihin innei ang aw? Ka nihna chu maw, hmeichhia angin ka in siam a, "Ramhuai ka nia," tih a inziak ta mai. 🤣🤣
Ka khur der der nghal a. A bak chu chhiar zawm pawh ka hlau, a hreh hian ka hreh tuukk. Mahse hmuhloh theihloh in Capitalin a inziak miau si, kan en leh mai chu, "THIHNA CHAUH LO CHUAN NANGNEN MIN ȚHEN SUH SE," ala ti ta deuh deuh. 🤣🤣
Ka Hotel neite leh chaw ei dangte chuan min rawn hnaih, "Engetinge, ka Pu, ṭanpui I ngai em?" an ti sup sup a.
Zo tlawmngaihna kha ka rilruah alo lang a, khur hlawkhlawk leh aw khur deuh dardar chuan, "Ka laam anih hi," kan ti peka an awihlo ngei mai. 🤣🤣
Ka lu inthing char char mahse ka her thei tawh lo, ka kut leh ramhuai lehkhathawn feet khat vela ka hmaa ka ken lah inthing hlawk hlawk, a hnuai chiaha inziak lah chu ala lian zual leh nghal. Mit ka chhing thei bawk silo, hmuhloh theihloh chu hmu in ka thluakin a hrethiam nghal, "IN ṬAWNG PAWH KA THIAM. ZANAH KA LO TLAWH ANG CHE, KA RAMHUAI KE HLAIPUI HIAN, CHUAN BALL PET IN KA PET ANG CHE, PAa," tih ka pianpui ṭawng ngeiin a inziak.
Awi karei ka duhtheilo. Min bawr tute lah in, "Doctor koh angai em, nihlohleh, hospital hruai I duh em?" an lo ti.
Zak deuh leh khur hlathlat chung hian, "IT'S MY STYLE," kan ti leh mai chu an awihlo teh e.
Chaw ei tui chu khawilam
facebook groupa en duh tan:
Krista Pahnihna Bible leh A. D. Zawlneite Hrilhlawk Hriatchianna
Comments
Post a Comment