Pathianin Lal Isuaah Fel Famkimin Min Puang I Ti Thei Ngawtlo!! (Krista Zirtirna)
Pathianin Lal Isuaah FEL FAMKIMIN MIN PUANG I Ti Thei Ngawtlo!! I Tih Theih Hun Chu Engtik Nge Ni Ang?
Lal Isua I rin(believe) avang ngawt khan Pathianin Lal Isuaah fel famkimah A puang ngawtlo che, a faah A vuah ngawtlo che, Lalpan Lal Isuaah fel famkimin min puang I ti thei ngawtlo.
Lal Isuaa fel famkima Pathianin A puan che I duh chuan, A faa A vuah che I duh chuan, Lal Isua thu anga I awm a ngai phawt ani, Pathian thu anga I awm a ngai ani.
Lal Isua in, "a kros pua mi zuilo chu ka mi ni tlak ani lo," A ti. (Mat 10:38)
"Ka Pa duhzawng titute chauh vanram an lut ang," (Mat 7:21) A tih chuan kros chu A hrilfiah ani.
Pathianin fel famkima min puanna, a faa min vuah hun chu Lal Isua in ti hian a sawiah a chiang - "Rilrua rethei, Inngaitlawmte chu an eng a thawl e vanram an ta ani a lei an la rochun ang," a tih kha. (Mat 5: 3,5)
Pathian in fel famkim, sawiselboa a puan nan che, a fa (rinawm)a A vuah nan che I in ngaihtlawm a ngai anih chu.
Inngaihtlawm awmzia chu engtinnge Lal Isua in A sawi? Ti hian A sawi kha, "Chhiahkhawntu in Lalpa min ngaidam rawh kei misual hi tia trawngtrai chuan ngaihdamna a hmu a, mahse mifela inngai pharisai erawh chuan a hmulo," tiin. (Luka 18: 9-14)
Chu, Lal Isuaa Pathian ngaihdam ni turin, fel famkima A puanna tur che in chhiahkhawntu ang khan I sualzia hriaa I sualna zawng zawngah ngaihdam dila I trawngtrai reng alo ngai zawk anih chu.
"Lalpa Lal Isuaah mi fel famkimin min puan avangin ka lawm e," tia trawngtraiin mi hnenah Lalpa in Lal Isuaah fel famkimin min puang tiin hlim em em mahla, pharisai ang lek ilo nih zawk chu.
Lal Isua I rin avang ngawt khan Pathianin Lal Isuaah fel famkimin min puang I ti thei ngawtlo a, Lal Isua mi, A hnungzuitu ni tlak I ni ngawtlo. A chhan chu, A mi ni tlak tur chuan, Lal Isua angin kros put a ngai si, vanram lut tlak turin, Pathian fa ni tlak turin Pathian duhzawng tih a ngai si.
Engkim chu Pathian ta ani a Pathian ta kan ni miau mai, mahse A fa rinawm, mi fel famkima min puan nan erawh chuan thih thlenga thil tih tur a awm si.
Lal Isua angin I kros I pu ve em, Pathian Thupek I zawm famkim ve em, khawvel I hneh ve tawh em? I thi tawhin thih thlengin rinawmin I awm tawh em ni?
Chungchu I la tih zawh si loh chuan Pathian fa ka ni, Pathianin Lal Isuaah fel famkimah min puang I la ti theilo. Lalpa misual ka ni min ngaidam rawh ti zawk tur I ni.
Chuvangin, I kros chu atawp I la put thlen loh chuan 'Pathian fa nih ka tum' chauh I la ti thei.
Lal Isua anga Pathian thu I zawm famkim hunah chauh, Pathian duhzawng tia rinawmin I thih hunah chauh ani Lal Isuaah Pa in felfamkimin min puang, a faah min vuah I ti thei chauh ang.
Thih thlenga I rinawm hmaa Pathian fel famkima A puan che chuan, A faa a vuah che chuan chuchu Ama thu ani. Ama lam ani. Nangma lamah erawh chuan Lal Isua sawi angin "Lalpa bawih hlawklo, thrahnem ngailo, ka ni, mi fello ka ni, I fa ni tlak ka nilo, mi sual ka ni min ngaidam rawh. Khawngaihin min pui ta che," ti tur I ni. (Mat 17: 10) Chuchu nangma lam tih tur ani Lal Isua I rin a Pathian duhzawng tih I duh chuan.
Pathian fate chu, Pathianin ka fate A tih chu an inngaitlawm em em, an sualzia hriain ngaihdam an dil thrin em em ani. Joba bute, Sam bute chhiar mah rawh, ani hriatthiamna dilin ngaihdan paihboa A zirtirna laluta pawm turin thinlung inhawngin Bible chhiar zawk thrin tur alo ni.
facebook groupa en duh tan:
Comments
Post a Comment