Nang Chhandam Inti Zawlneite leh Lal Isua Thattu I Lo Ni Reng Mai (Nihna Hriattirna)
*Nang Kristian, Piangthar emaw Chhandam Intitu Zawlneite leh Lal Isua Thattute Zingah I Lo Tel Reng Mai*
Tunlai Kristiante hi Juda ho ang tak kan lo ni, nang chhandam ka ni titu pawh I tel ngei mai.
*Juda ho chu hnam luhlul kan ti a, achhan chu Pathianin Bibleah ziak meuh in A ti tlat. Mahse Juda ho chu mihring an ni a, chuvang chuan mihring zawng zawng hi Pathian laka luhlul kan nih vek zia an lo entir ani zawk. "Hmanlai thil ziak apiang kan zir natura ziak ani," (Rom 15: 4) tih ziak ang deuh khan.*
Juda ho chuan an sakhua leh Zawlneite chu ngaisanga ring niawm tak in Zawlnei bute an chhiar ve tlut tlut mai. An hriat chinchin chu khirh takin an zawm ve hian a lang.
*Mahse, han chhui chiang mah, Zawlnei tamtak Pathian thu thar emaw/leh hrilfiahna rawn kengtute chu an hunlaiin anmahni ngaisanga ringtu an lo tlem khawp mai. Tichuan, ngainep leh ringlo nana chu Juda ho chuan an that ngenge thrin.*
Lal Isua hunlai pawh khan Judaho chuan Zawlnei tamtak an pute thah chu an rin ve hmel khawp. Mahse an zingah Zawlnei mai nilo Zawlneite Zawlnei A rawn kala Pathian thu thar leh hrilhfiahna a rawn hrila, mahse Juda ho chuan "Zawlneite kan ring alawm, Pathian kan ringin kan hlau alawm,' an ti a, mahse Zawlneite Lalpa chu an that leh ta pauh anih kha!
*Zawlneite ring inti ho khan anlo rin bikloh zia, an pute hunlai khan awm ve mahse an pute angin a thattu annih tur zia an ti lang chiang hle.*
Chutiang chiah in tunlai Kristiante, nang ngei pawh kha Juda ho anga mihring kan ni in kan luhlul em em ani. 'Bible kan ring, Isua kan ring' kan ti a mahse Pathian thu thar leh hrilhfiahna lo thleng se kan awihloa kan ngeinep tlat ani. Judaho zingah khan lo piangin awm ve mah ila, an zingah telin Zawlneite leh Lal Isua thattute kan ni ve ngei dawn khawp mai.
*Zawlneite leh Lal Isua thattute kan nih ve zia entirna pakhat chu hei hi ani - Zawlnei Saikhum'a kha a hunlai chuan a ṭhenawmte pawn an ngainep in an ringlo, mahse hunte a liama tunah chuan tamtak in an ring ta a, tamtakin an ring ngam lo deuh naa an ringlo chiah ngam tawh lo. Achhan chu a thusawi tamtak a thlen dik avang ani. Chutiang chiah in Kristian tamtak chu Lal Isua thusawite a thlen dik vang chauha ring mai kan ni.*
Tuna Zawlnei Saikhum'a ring intite hi a hunlai khan awm se tamtak chu a ngainep leh ringlotu zingah an tel chiang dawn asin.
*Chutiang chiahin tuna Kristian inti tamtakte hi Juda ho zingah khan tel ta ila thattu kan ni ang. A ni, Pathian thu thar emaw/leh hrilfiahna kan lo pawm duhloh hian Juda ho, Zawlneite leh Lal Isua thattute zingah nang leh kei pawh kan lo tel reng mai.*
Juda ho ang khan kan luhlul em ani. Juda ho ang khan kan thinlung Lalpa thu thar leh hrilhfiahna tan kan hawnglo ani. "Lalpa ani hi I chhiahhlawh ami, a thusawite hi I thu ami, khawngaihin min hriattir, hriatthiam tir la min pawm tir ta che, I thu apiang awih ka duh si, meidila tlak ka hlau si, vanrama luh ve ka duh si," tiin ngaihdan paihboa thinlung hawngin kan tawngṭailo em ani.
*Kan chan tur chu hriat sa - Meidil, Meidil. Juda ho zinga Meidila kan chu. A sa dawn si, a na dawn si, tuhalna rapthlak a awm dawn si.
"Ka lam ṭanglo chuan min do ani, min lak khawmpuilo chuan a tidarh ani," (Mat 12: 30) tih angin Pathian thu thar emaw/leh hrilhfiahna pawmlo, duhlo chuan Lal Isua a pawmlo, duhlo ani, ni e, a khengbet, a that ani.
Pathian khawngaihna zarah I la dam a, ala tlailo, I tlai hlen loh nan naupang thinlung nei mai ta che.
*Thil zawngzawng pawngpaw pawm nghal turin emaw paih nghal turin ka ti lo che. Lal Isua chu Mari kal tlangin a rawn piang in, a nun a hlan in a tho in Van Pa hnenah A kal ngei e! Mahse Juda ho ang nilo turin rawngbawltute leh midang thusawite leh zirtirnate, doctrine I lo vawn tawhte pawng paw ui saruh vawn suh, awih/ringbur ringawt suh.*
I ngaihdante paihbo in, thinlung naupang anga hawngin "Lalpa I thu ani nge nilo, khawngaihin min hriattir, hriatthiam tir la I thu chhuak apiang ka pawm ange," tiin ṭawngṭai ṭhin ang che. Tin, Bible chu en in, miin hei hi a hrilfiahna an tih chu pawm mailo in Bible chang dangte a kalh (paihbo a ngaih phah) em leh a belhin (nilo pui a belh) em tihte en bawk rawh.
*Zawlneite leh Lal Isua thattute zingah I tel ve duhlo anih chuan Pathian thu (Bible) hrilfiahna diklote, zirtirna diklote leh I ngaihdante paihbo in I thinlung Lalpa thu atan inhawng in I tawngṭai thrin in I chhiar in I zawng tur ani. He bua ziakte, Krista Pahnihna thu ziakte pawh pawm la nunpui rawh.*
Rin bur hi alo nilo, Juda ho aṭang pawh zir mai rawh, anni pawn an hriat chin chu an ring bur tho, mahse hruai theih annilo. Thlarau Thianghlim hruai theih, naupang anga hruai theih, Pathian thu thar emaw/leh hrilhfiahna lo pawm zel theih hi ani Vanram thleng tur chu. Hruai theih anni si a.
"I in thlaka naupangte te ang ilo nih chauh loh chuan van Lalram I lut lovang." Mat 18: 3(KJV) *Hei hi ani piangthar awmzia chu. Thinlung luhlul naupang thinlung anga thlak hi ani Pathianin A tirh, A hruai hruai theih Thli ang, Thlarauva piang awmzia chu. (Johana 3: 8)*
"Lalpa'n thinlungte A en ṭhin." (1 Sam 16 :7)
*"Lalpa'n thinlungte A ngaihtuah, A buk ṭhin." (Thuf 21: 2)*
I thinlung nge luhluh Judaho, nge a inang?
* *Thinlung inhawnglo, naupang thinlung ang neilo hi luhlul chu ani.* )
I hmangaihte he thu hi thawn ve rawh thlarau pakhat tal I chhanchhuah nan.
facebook groupa en duh tan:
Comments
Post a Comment