Lal Chhiahhlawh Ṭha leh Sual (Van Lal Thawnthu)
Lal pakhat hian a ram pakhatah a chhungte chikhat a chen tir, a chhungte pawh chuan mahni duhduh tiin nuam an ti hle a.
*Ni khat chu Lal chuan a chhungte a hnena hruaikir turin a chhiahhlawh ṭha tak leh sual tak tirh a duh thu a ti tlu ta a. Tichuan chu a thu tih tluk, a chhiahhawh pahnihte chanchin leh a tih tur dang tamtak hriattir lawk turin a tlangau, zawlneite a tir hmasa ṭeuh a.*
Mahse, lal chhungte chuan nuam an tih luat avang leh an thu an duh luat avangin lal chhiahhlawhte, tlangau, zawlneite chu ninawm, min tibuai tiin tamtak tan inahte an daha, an sawisaa an that zel a.
Lal chuan tunah ka chhiahhlawh ṭha kan tir ange, ka chhungkua sual takte chuan lo awih se a ṭha ang a ti a, a tir ta a.
*Lal chhiahhlawh ṭha leh fing tak chuan thiltihtheihnate nen Lal tlangauten a chanchin an hrilhlawk thute amah anihzia sawi zauh zauhin Lal rama hawkirna kawng a kawhhmuha.* Amah ngeiin chu kawng chu zawhin hruaikir vek a tum a, thil ṭha tamtak ati a mahse a chhungte chuan ani pawh chu awihlo mai nilo, min va tibuai tak, ninawm tiin nasa zawkin an sawisaa, a lu, kutte leh kete leh nâkahte verh sakin an khaihlum taa.
*Lal chuan a chhiahhlawh tlangaute ṭhen kha a tir leh a. Lal chhungte ṭhenkhat chuan Lal chhiahhlawh ṭha kan tihlum chu kan tisual khawp mai mahse adang kan beisei tawhlo tiin a hmaa Lal tlangau tirhte chunga antih aia nep chuan an awihloh zia tilangin Lal tlangaute chu an ngainep a.* *Tamtak hmun dangdangah an that bawk a.*
Lal chuan anmahni ang tak tunah kan tir tawh ange ati a, a tir ta a.
Lal chhiahhlawh sual leh â tak pawh chuan a hmaa Lal tlangau, zawlneite leh chhiahhlawh ṭhatak thute sawiin Lal rama hawna kawng an sawi chu sawiin a kawhhmuh ve a. A hmaa Lal tlangau ten a chanchin an hrilhlawk:
*"Mitdel leh bengngawngte u ka chhiahhlawh mitdel leh bengngawng ang tunge awm?" tihte kha nunfiah sakin, "Aw, misual leh â takte u ka chhiahhlawh misual leh â tak anga sual leh â tak tunge awm che u," tiin Lal thu: hâwnna kawng, hrilhfiahnate leh hmelma hriatna thute tiamin a hril zel a.*
Ani, Lal chuan chu A chhiahhlawha a duhna, ṭha atihna chu a Lal tan a tih nuamna, naupangte ang thinlung thuawih thei a neih chu ani, "A felna avangin Lal chu a lawm ani; dan (Thupek Sawm) chu ati ropui anga ati zawhawm dawn si," tih Lal tlangau pakhatin a hrilhlawk ang khan. A chhiahhlawh thinlung ang chu ani Lal chuan A chhungte zawng zawngin nei ve se A tih chu.
"Mi sual, nangmahni ang in Lal thu inhriat leh hriat ngailoh a sawi chuan amah ringlo mah ula Lal thu in hriat ngai leh ngailoh a sawite tal ring rawh u," "Amaherawhchu thawk ka nih chuan kei mi ring lo mah u la, hnathawhte tal hi ring rawh u; Lal keimahah a awm tih leh, kei Lalah ka awm tih in hriata in rin nan," tih Lal chhiahhlawh ṭha in a sawi ang khan tih te chu a hrilh bawk a, thil tamtak ati a.
*Mahse ani pawh chu ninawm, mintibuai a hmaa kan tih sual chungah kan inthiamlo tawha amah chu kan rin chuan a tawk tiin Lal chhiahhlawh sual tak kut leh mit dinglam an khawih chhiatsaka an tihlum leh ta a.*
Tichuan a tawp nan Lal chhiahhlawhte, tlangau, zawlneite chu thiltihtheihnate nen hun tawite, kohna hnuhnungber hun tih chu, ṭhangkhat lian pawh tlinglo chhung atan chauh Lal chuan a tir leh a, anni chu a hma zawng aia nasa takin a tam thei ang ber hun khatah an lo sawisa in an that leh ta zel a.
*Lal chuan aw ka hmangaih tak ka hmelmate u, "Inturte, chithlumte, chhangte, chipchite, kamram, thei, buh, hmangaihna lehkha thawn, thil hlu takte, tlangaute leh palaite ka pe in in nihnate ka sawitirin ka thlem che u a, mahse ka hmangaihna sirah in hnawl zel si maw.* *In zunah uaiin kawng tinrengin ka try che u a, ka în leh lôah ka chentirin, damnate pein ka chawm zel che u a nangni chatuana nunna turin ka hmangaih berberte ka rawn tirh che u a mahse ka thu pawma awih a hnekin ka mi tirh ka hmangaih em emte thatin rairah riangah min chantirin leng dang zunah uaia, pawla neiin min chhaisan zel kumkhua si maw, ka thinlung in tih thîka in tih nata in tih hliam ka phal tawhlo a, ka hmangaih berberte pawh an thih belh ka phal tawhlo, tawk tawh rawh se," ati ta a.*
Tichuan Lal chuan ka ram pakhata ka chhungte chu ka hmelma anni kumhlun ta tiin an chungah a thinrimna kum taktak lo in khawl khawm chu a thlen tir taa, ni leh thla leh arsite pawn eng an chhuah ngamlo hial ani, tichuan arsite an tla a. Chu ram leilung leh boruak chu a khurh hian a khur a, van pawh chu an intel tê a an tawmbo ta a, Lal hmelmate tuar chu sawiin a siak ta lo.
facebook groupa en duh tan:
Comments
Post a Comment