Hun DangDanga Pathian Thu Thar Thlengte (Hrilfiahna Nen)
Khawvel tana Mak, Boral Mekte Tana Aatna
(Tunah Pawh I Hnenah Pathian Thu Thar A Thleng Mek E. I Lo Pawm Ve Dawn Em?)
Pathian chu Pathian ṭha tak anihna kan hriat theihna chu A Thu RIN (zawm, awih) tur vawikhat/hun khatah mihringte A Thu zawng zawng min pe vek nghallo hi ani. A hnuaia aṭang a hriatthiam theih awm e.
*Tin, Pathian thu hriattir kan nih chin chin lo zawm zel hi chatuan nunna neihna ani tih leh, lo hniala lo ngaihsakloh emaw lo do hi chatuana boralna ani tih pawh kan hre thei nghal ṭheuh awm e.*
Tin, Pathian thu thar emaw/leh hrilhfiahna dikte chu Pathian in a Zawlneite A hriattira, Zawlneilote chu Zawlnei hmangin Pathianin A hriattir leh ani tih hi kan hre ṭheuh bawk awm e. Zawlneilote zingah chuan dan pangaia rawngbawltute pawh chhiar anni bawk.
*1.* *"ṬHA LEH CHHIA HRIATNA THINGKUNG AMI I EI TUR ANILO: ACHHAN CHU I EI NI IN I THI NGEI NGEI ANG."* *Genesis 2: 17*
Pathian in mihring Pahnih a siam hmasakberte (leh an thlah zel turte) hnenah Thu a pek hmasakber chu, chu thingkung ami eiloh tur thu anih chu. A thu awihloh chu thihna ani tih pawh Genesisah kan hmu nghal.
An RIN (zawm, awih, thuawih) chuan chatuanin an nung dawn ani tih a lang reng.
*A awmzia chu an ei ni lala chuan Chatuana nun theihna ata an thi anga a tâwpah meidilah hrema thih kumkhua tir tur ani mai tih chu tun, Bible lo awm hnuah Pathian tih varna aṭang kan hre thei ta ani.*
An RING (zawm, awih, thuawih) ta lo, an ei taa Chatuana nunna chu mihring ten kan hlawh taa, kan thih leh kaihthawhleh kan nih hma leh Meidila hrem kan nih HUN thlen hma kan la nungin kan inthlah pung rih mai mai ani.
*He Meidila thihna hi ani Chatuana Nunna aṭanga thihna tawpna chu. Hei hi ani in thi ang A tih tâwpna, Thih tâwpna chu.*
Pathian thu khi a dik hle ani, an ei ni la la in an thi. "..Pathian tan kum sangkhat chu ni khat ang ani," (2 Peter 3: 8 ) tih ziak angin Pu Adam'a leh Eve'i leh an thlahte hi Pathian tana nikhat damchhuak kan awmlo, Pathian RING (zawm/thuawih) tute chu KHAWNGAIHNAIN Vana nung chunga lak chhohte tihloh chu.
Pu Adam'a hnena Pathian thu khi THUTHLUNG pawh kan ti thei ang. Han RING (zawm/awih/thuawih) se chatuanin mihringte kan nung dawn si.
*(1. a,..?)*
*Chumi hnuah chuan, Pu Enok'a kha Pathian nen an leng dun ṭhin tih ziak ani a. Pathian zawlnei ani tih leh a hunlaiah Pathian Thu thar a dawngin a hril ngei ani tih a hriat theih mai. Achhan chu mihringte hi kal sual hmang, kan tetlai aṭanga sual ngaihtuah hmang kan ni si a. (Genesis 8: 21) Kawng dik hrilh, kawhhmuh ngai reng kan ni si.
Ani tak e, Pu Juda (1: 14, 15) chuan Pu Enok'a chu Pathian zawlnei anih zia a hrilhlawk thute a ziah kha.
*2.* *"LAWNG SIAM LA, THIL NUNG ZAWNG ZAWNG ZINGA SA THIANGHLIMTE CHU KAWP SARIH LEH SA BAWLHHLAWHTE CHU KAWP HNIH TETE IN LEH CHAW TINRENG EI CHI CHU LAWNGAH LA LUT RAWH."* *Genesis 6 leh 7*
Pu Noa hnenah Pathian in a khawngaihna in A thu thar: chungchu lawng siam, saah thiang leh thianglo bakah thlaiah pawh ei thiang lakluh thu ani. A thu rinloh (zawmloh, awihloh) chu boral ani tih kan hre thei awm e. Pathian Thuthlung pawh kan ti thei anih chu.
*Genesis 6ah chuan khawvel chu a luhlul, a sual vek tawh a, mahse Pu No'a chuan pathian KHAWNGAIHNA a hmu (Gen 6: 8 ) tih ziak ani.*
Pu Noa khan Pathian in thu A pek tharte RINGlo (zawmlo, awihlo, thuawihlo) se ani pawhin khawngaihna a hmuh chu a tawp anga khawvel mite ang mai niin tihhlum, boral tur ani ve mai dawn ani.
Chuvangin, lawng siama (sate hruai luha tuilet zawha thlah chhuah leh te), a tih tur ani a.
*Tin, khita ṭang khian sa leh thlai thianghlim leh thianghlimlo alo awm daih tawh zia kan hre thei.* *Chuan, Genesis 9: 3a "Thil (sa tiamin) tinreng chu thlai Ka pek ang che in Ka pe che," tih aṭang sa leh thlai eiloh chi, thianghlimlo eiloh chu Pu Noa leh a thlahte zawng zawng tih tur ani tih kan hre thei nghal bawk. Achhan chu Genesis 6: 21ah khan thlai ei chi a awma, chuta ṭang eiloh chi pawh a awm tih kan hrethiam thei nghal si.*
Keini pawh Pu Noa thlahte niin a hnena Pathian thu thlengte kan RIN (zawm/awih/thuawih) ve ngei a ngai tih kan hmu thei nghal e. Chumi RINLOH chu, Pathian thu (danglam ngailo) awihloh chu tun thleng pawhin Pathian khawngaihna hmuhlohna leh boralna ani tih kan hre nghal awm e.
*Khingkhi (Khawvel puma tui tilet leh tawhloh tur thu tiamin) Pu Noa leh a thlahte hnena Pathian Thuthlung ani tih kan hre thei awm e.* *(Genesis 8: 20 - 9: 17)*
Tin, vawiin ni thlengin khi Thuthlung khi ala rallo tih Thuthlung chhinchhiahna Chhimbal Pathian in A siam lo lang ṭhin hian a ti chiang ani tih kan hre thei ṭheuh e. Genesis 9: 12 pawn "tawp neiloa thlahte thleng atan," a ti tlat ani.
*(2. a, b, c,..)*
*Pu Noa hnuah mahse Pu Abraham'a hma siin Pathian zawlnei tenau neuh neuh, anmahni awmna ṭheuh atana Pathian thu thar hriltu an awm leh awmloh chu hre tlaka ruat kan nih chuan nakinah kan la hria ang.
*3.* *"ABRAM, I PA ÎN, I CHI LEH RAM ATA KAL CHHUAK RAWH.. CHUAN NANGMAHAH CHUAN LEI CHHUNGKUA ZAWNG ZAWNG MALSAWM AN NI ANG."* *Genesis 12*
Pu Abraham'a hnenah chuan Pathian thu thar a thleng a, a RIN (zawm/awih/thuawih) chuan khawvel mihring malsawm anni dawn ani. Achhan chu Krista Pahnih a thlahte aṭang piantir niin Pathian duh zawng an ti famkim dawn si a, chuchu lei chhungkua zawng zawng enna leh chhandamna ani dawn si.
*Khilo pawh a dang pawh a dawnga mahse lei chhungkua zawng zawng malsawm nan ani vek kherlo. Amah fiah nan te, amah leh a thlahte hnena serhtan thuthlung (thuthlung hlui) thute leh adang dang ani a dawn chu.*
*(3. a, b, c,..)*
*Pu Abraham'a hnua Pathian zawlnei Bible'a ziak kan hriatte chu Pu Jakob'a leh Pu Josef'ate anni. Anni hnenah pawh Pathian thu thar a thlen zia Bibleah kan hmu.
*4.* *THUPEK SAWM LEH INTHAWINA DAN (KROS HLIMTHLA THUTHLUNG) ISRAELTE PEK ANNI.* *Exodus 19...*
Israelte chuan Thupek Sawm leh Inthawina te an RIN (zawm/awih/thuawih) chuan KHAWNGAIHNAIN chatuana nunna pek anni dawn ani tih kan hria.
*Tin, Israelte chauh nilo Jentailte pawh an zingah tel an duh chuan an tel thei bawk a, an telloh pawha an RIN (zawm/awih/thuawih) chuan an RIN avanga khawngaihnaa chatuana nunna pek anni ve dawn bawk ani tih kan hria.* Entirnan, Jentail Rahab'i, Ruthi,..etc. ten damna an hmu. Pu Abraham'a hnena Pathian Thu, "Nangmahah chuan lei chhungkua zawng zawng malsawm an nih nan," tih zarzona ani ve ani.
*Pu Mosi'a hmanga Israelte hnena Pathian Thu thar khi Thuthlung hmasa khi thleng mahse Pu Noa leh Pu Abraham'a hnena Pathian thuthlungte kha ala awm zel ani.*
*(4. a,b,c,)*
*Chumi hnuah Pathian Thu thar A zawlneite (..Samuel'a, Elija'a, David'a, Isai'a,..etc.) hmangin a thleng leh zel a, chung chu lo RIN (zawm/awih/thuawih) ve zel angai ani. Mimal tan anih chuan mimal chuan a RIN angai, mi tamtak tan anih chuan mi tamtak leh hnam leh khawvel tan anih chuan hnam leh khawvelin a RIN anagai anih chu. "A zawlneite RING (zawm/awih/thuawih) ula in hmuingil dawn ani," tih ani si. (2 Chronicle 20: 20) Pathian RINnaah chuan A zawlneite lo RIN hi atel ani.
*Thupek Sawm leh Kros hlimthla Inthawina dante ti (RING) angin lang mahse an hunlaia Pathian zawlneite an RIN (zawm/awih/thuawih) si loh chuan KHAWNGAIHNAIN chatuana nunna pek annilo anga Pathian aṭanga tih hrana awmin an boral zawk dawn ani. Entirna chiang tak pakhat, chu Lal Saul'a kha ani. Pathian Thu thar Zawlnei Samuel'a sawi kha a awihloa Pathian in A kalsan ta ani.*
Achhan chu, Pathian Zawlneite RINLOH (zawmloh/awihloh/ thuawihloh) chu Thupek Sawm leh Inthawina dan RINLOHNA/bawhchhiatna ani tlat atin ani.
*5 (K1).* *THUPEK SAWM ZAWM LEH LAL ISUA RIN. (THUTHLUNG THAR)* *Jeremia 31: 31-34, Matthai'a 19: 16-30*
Krista Pakhatna chu Israelte Thuthlung Thar a, Israelte hnena tirh A ni.
Ani, Lal Isua kha Zawlnei Jeremia in Pathian Thu a hrilhlawk, "Thuthlung thar Israel În leh Juda În hnenah Ka siam ang, ... an chhungahte Ka dan Ka dah anga, chuan an thinlungah ka ziak ang;.." a tiha kha ani.(Jeremia 31: 31-34)
*Chu Zawlnei Jeremia hrilhlawk chu Lal Isua ngei chuan, "Israelte În beram bo hnenah chauh tirh Ka ni," tiin A ti nghet ani.* *(Matthaia 15: 24)*
Jeremia hrilhlawk leh Lal Isua in "Chatuana nunna I neih duh chuan Thupek zawm la...Min zui rawh," A tih chuan Thuthlung thar chu a hrilhfiah ani: Thupek Sawm kha paihbo ni lovin ransa pangai beramnoa Inthawina dan kha Krosa A thisen luang leh A thihna chuan A rawn zoh tir ta, ani ransa pangai beramnoa inthawina chu a ti tawp ta ani. Amah chu Chatuan atana Beramno ani si a, vawikhat a inhlan chu Chatuan atan ani si.
*"Krista chu vawikhat inthawi nan hman ani mi tamtak sual aiah, chuan Amah ringtute chu a vawihnih nan sual phur lovin A lokal ang Chhandamnaa hruai turin," tih leh Thlarau Thianghlimah Zawlnei Johan'an "Pathian beramno, khawvel sual la bo tura chu," a tih khan Chatuan betamno anih zia tifiah hle ani.* *(Hebrai 9: 28, Johan'a 1: 29)*
Thuthlung hluiah pawh Jentail ten Thupek Sawm leh Inthawi chu an RIN (zawm/awih/thuawih) chuan Chatuana nunna pek anni ang tih achungah ziah anih tawh kha. Chutiang bawkin Thuthlung thar huna Jentailte pawh Thupek Sawm leh Lal Isua an RIN (zawm/ awih/ thuawih) chuan Chatuana nunna pek anni dawn ani.
*Thuthlung tharah pawh Thupek Sawm a tel zel zia Zawlnei Jeremia hrilhlawk a chunga kan ziah leh Zawlnei Isaia hrilhlawk a hnuaia ziak aṭang kan hre thei ani. Ti hian a hrilhlawk a, "Tu pawh Sabbath bawhchhelo leh Ka Thuthlung vuan nghet chu Ka tlang thianghlimah ka hruai ang, chuan Ka ṭawngṭaina înah lawmnain Ka tikhat ang."* *(Isaia 56: 6, 7)*
Dan pakhat bawhchhia chu a zavaia bawhchhia ani tih Pu Jakob/James (2: 10) an a sawi angin Zawlnei Isaia'n Thupek Sawma pakhat, Sabbath a sawi chuan Thupek Sawm zawng zawng a sawi ani.* *Chuvangin, Sabbath, ani, Thupek Sawm bawhchhetute chu Pathian tlang thianghlim (Jerusalem thar) ah an lut DAWNLO tih Pathianin A zawlnei a hrilhlawk tir anih chu.
*Thuthlung hlui pawh Jentail ten an rina an zawm chuan malsawm anni kan tih tawh angin he Thuthlung thar hi Khawvel chhungkaw tin malsawmna ani.* *Ani, a RING (zawm/ awih/ thuawih) tute chu chatuana nunna pek anni dawn si a. Chuchu ani Pathianin Pu Abraham'a hnena, "Nangmahah chuan lei chhungkua zawng zawng Malsawm anni ang," A tih, A hrilhlawk kha.*
Pu Abraham'a hnena Pathian thu aṭang pawh hian Pathian in A thu tamtak chu A ti bang/tawp mai mai loa, chatuan atan A ti ani tih kan hre thei nghal a, chutiangin Thuthlung thar pawh thuthlung hlui (Thupek Sawm leh beramnoa inthawina) angin Thupek Sawm leh Pathian beramno Lal Isua inthawina chu ani tih kan hre thei. Chuchu a dik ani tih Zawlnei Isaia'n "Thupek Sawm zawma Thuthlung pawmtute chu vanram an lut ang," tiin a hrilhlawk khian leh Lal Isua ngeiin "Chatuana nunna I neih nan Thupek Sawm zawm la..Min zui rawh," A tih chuan an tinghet ani. Tin, he Thuthlung thar ah pawh hian Pu Noa leh Pu Abraham'a hnena Pathian thuthlungte kha ala awm zel ani, ani Tawp thlengin a awm dawn.
*(5. a, b, c,..)*
*Lal Isua hnuah leh Krista Pahnihna hma in Pathian Zawlnei tamtak hnenah Pathian thu thar a thleng leh zel tho ani. Mihringte chu kawng kawhhmuh ngai reng kan ni si kan tih tawh kha. Hmana mihringte leh tuna mihringte pawh mihringte, kawngdika hruai ngaite kan ni tho si a.
Chung Zawlneite chu Thupuan hrilhlawk tu Zawlnei Johan'ate leh A.D. Zawlnei George Washington, E. G. White'i, etc.. te post hmasa lama ṭhenkhat kan tarlante pawh kha anni. Pu Johan'a pawh A. D. zawlnei alo ni reng mai.
*6 (K2).* *KRISTA PAHNIHNA THUTE* *Isaia 9: 16, 42*
Krista Pahnihna chu Krista Pakhatna hnuaia Jentailte Thuthlung ani a, Jentail leh Israelte hnena tirh ani. (Isaia 42, 42: 6)
Tin, Pathian Thu thar emaw/leh hrilhfiahna Krista Pahnihna aṭang a chhuak dawn Pathian in A zawlneite hmangin A ti, chung chu Bible ziak in a awm kan tih ziah kha. Ani, Bible chu ngaihdan hrang hrang bel avangin kohhran hrang hrang tamtak alo chhuak ta a, hmanlai mihringte ang bawkin tunlai mihringte pawh kan kalsual (corrupt) tawh avangin kawng kawhhmuh kan ngaih zia alo lang leh ta. Tawp dawna chu kawng kawhhmuhtu chu Krista Pahnihna ani.
*Zawlnei Isaia chuan Krista Pahnihna chu hrilhfiaha thurawntu (Counsellor) anih zia a hrilhlawk a, chuvangin vanram luh duh chuan Krista Pahnihna thu lo pawma nunpui hi tih tur makmawh ani.*
Krista Pahnihna thu chu post hmasaah te kan sawi tawha, postte a nemnghet ang kan ti bawk a, Lalpa in rem A tih chuan ama thu kan post zel bawk ang. Pathian khawngaihna dawnga I nuna I en theih zel chuan chung chu lo en zel mai rawh aw.
*Ani chuan Thupek Sawm leh Zawlneite (Zawlneite Zawlnei Lal Isua tiamin) thu kalhlo in a hrilhfiah in a sawi dawn ani... Chung kalha thu sawite chu Pathian tirh anni lo tihna ani, "Pathian thu (eng) an mahniah a awmlo," tih ani si.* *(Isaia 8: 20)*
*(6. a, b, c,..)
Krista Pahnihna hnuah pawh Pathian zawlneite an la awm cheu dawn mai nilo tamtak hun khatah an awm zawk dawn ani tih Pathianin A zawlnei Joel'a A hrilhlawk tir. Ani, "in fapa leh fanu ten Pathian thu an hrilhlawk anga, in tar ten Pathian mang pek an mang anga, in ṭhalai ten inlarnate an hmu ang, chuan chhiahhlawhte leh awmpuinute chungah ka thlarau ka leih ang," tiin. (Joel'a 2: 28)
*Chung hun tawp Zawlneite chuan Krista pahnihte leh Zawlnei hmasate an kalh dawnlo bawk tih Zawlnei Isaia 8: 20 aṭang kan hre thei bawk.*
****He post ṭanga kan zir/hmuhchhuah theih tamtak zinga pathum chu, Thuhlui leh Thuthar thute leh "Hmanlai mite pawh RINNA (zawm/ awih/ Thuawih) avanga khawngaiha chatuan nunna chang tur ve chauh anni," tih leh chu an "RINNAah chuan thuawih, Thupek zawm hi a tel tlat a, chuvang chuan chu Rinna thupek zawmna tel tlat chu an felnaa ruat ani," tih hi ani. Pu Jakob'a (James'a) chuan "Rinna chu thiltih (thuawihna) tello chu thi ani," a tih ang khan.* *(Jakob'a 2: 23 - 26)*
Thupek Sawm zawm leh Lal Isua rin pawimawh zia kan hre ṭheuh tawh awm e, felna hmu duhte chuan, rinna avanga chatuan nunna chang duh te chuan.
Kan zir/hmuhchhuah dang leh pakhat chu, "Zawlnei hun ani tawhlo, Zawlneite chu hmanlai chauh in an awm," tih hi dawt ani tih leh, chumi sawitute chuan an hriat tlem avanga sawi mai anni tih hi ani.
Zawlneite chu Hun Tawp thleng pawhin an awm dawn tih pawh hi ani. Ani tak e, Pathian zawlnei Amos'a (3: 7) chuan, "Chiangtakin, Lal Chungnungber'a chuan A chhiahhlawh Zawlneite hnenah hrilhlo in engmah A ti lo ang," tiin alo sawi chiang tawh ani.
Tin, Zawlneite hnena Pathian thu thar thlengte chu a ṭhen mimal tan, aṭhen mi tlemte leh tamtak leh ram khat leh khawvel pum tante anni tih pawh hi ani.
Comments
Post a Comment