Bible Hmanga Mihringin Thlarau Nung Inlar Thei Kan Nei Tih Zawhna Chhanna (Hmelma Hriatna)
*Zawhna1:*
Samuela a thi tawh hnu ngei pawh, a thla kha a rawn inlan a, thu sawi te pawh a nei a, chu chu kan bibleah ngei a ziak a ni. Hetianga mitthi tawh thla rawn kal a, lo lang thin hi, min rikrapin minchhiat khum kher lo mahse, a thla a hrang tiin kan sawi mai thin.
*Chhanna:*
Tu nge Samuel'a thlarau ti a ko chhuak tu kha, Pathian mi nge Satan'a mi?
Pathian mi/zawlnei anih chuan Samuel'a thlarau kha a tak ani ngei anga, thlarau nung kan nei tihna ani anga, Bible pawh amah leh amah a in kalh tihna ani ang.
Satan'a mi in a ko chhhuak anih chuan Thlarau thianghlimlo chu Samuel'a anga insiamin a inlan tir tihna anih chu. Satan'a mi hnenah Pathian Zawlnei, Pathian Thlarau inlanna tur thu a awm lo. Thlarau bum hmang Samuel'a anga lem chang mai ani.
Pathian chu mihringte leh Satan'a te anga thu inkalh nuaih sawi Mi anilo. Mithi in engmah an hrelo," A tih chuan an hreloa, hre turin Thlarau nung hranpa a awm bawklo anih chu.
Ani, "ramhuai aienthiam zawl hmeichhia" anih kha, Saul'an a rawn.
Saul'a pawn, "Ramhuai aienna chuan ai mi ensak la, i hnena a hming ka lam apiang chu mi koh chauhsak ang che," a tih kha.
Chu ramhuai aienthiam zawl hmeichhia chuan ramhuai bak a ko dawnlo tih chu a chiang reng mai.
*Zawhna2:*
Mihring hian thlarau kan nei a,a inlar tei bok...Angel tlu ta te vek an ni kher lo ...Isua poh kha athih khan athlarau kha azirtir te hnen ah a inlar anihkha...Angel tluta te tihvek hi ani kherrr lo...
*Chhanna:*
Lal ISUA a zirtirte hnena in lar kha, a taksa Amah tholeh ngei ani e. Thlanah a taksa a awm tawh lo. A taksa ngeia tholeha inlar ani e.
Angel tlu tate kan tih chuan an fate pawh a huam tel ani.
*Zawhna3:*
Samuela thla ngeiin, a damlaia Lalpan a hnena a thusawi kha a lo sawi chhuak leh a, "1 Samuel 28: 15 Tin, Samuela chuan Saula hnênah, "Engati nge hetianga mi koh chuah buai ni?" a ti a. Tin, Saula chuan a chhâng a, "Ka mang a ang êm êm atin a ni: Philistia mite chuan min do va, Pathian lah chuan min hawisan a, zâwlnei emaw, mumang emaw pawhin min chang ta lo rêng rêng a: chuvang chuan ka tih tûr min hrilh tûrin ka ko ta che a ni," a ti a.
16 Tin, Samuela chuan, "Chutia LALPAN a hawisan chia i hmêlma a lo ni ta tih hre reng chung si chuan engah nge thu mi zawh? 17 Keimah hmanga a sawi ang khan LALPA chuan i chungah a ti ta a nih chu: LALPA chuan i kut ata ram chu a chhuhsak a, i thenawm, Davida ngei chu a pe ta a ni."
A damlaia LALPAN a hnena a sawi kha a rawn nem nghet nawn leh a nih khi.
*Chhanna:*
Lalpa'n a hnena a sawi kha enge? A kuta ram laksaka David'a hnena pek chu ani.
Thlarau Thianghlimlo (angel tlu tate leh an fate) chuan thil thleng engkim an chhinchhiahin an hre ve reng thei a lawm. Chung thil thleng mihringte bum nana sawi chhuah nawn leh mihring thi emaw dam emaw anga insiama trawng leh thiltih chu an tan harlo tak ani. Thlarau Thianghlimlo thiltih leh sawi ngei ani e.
Pathian thu chu thleng ngei ngei tur ani a, Thlarau Thianghlimlo chuan lo sawi nawn ve mahse nemnghehna ani chuanglo.
*Zawhna4:*
Thlarau dik chu ani asin, Saul'a chunga thleng tur a sawilawk dik si. Heng thu te hi chhiar chiang la, Lalpan a tuka a thil tih tum hi, Satan'a tirhkoh zawlnei der hnenah a puan duh i ring em ni. Helai thu hi chuan, a tuk lama Lalpan saula te pafa awm dan tur a ruat dan a sawi lawk diam si a, Samuel'a kal tlang khian.
"1 Samuel 28: 18 LALPA thu i awih loh avâng leh Amalek-ho chungah a thinurna nasa tak ang khan i hlen loh avângin tunah hian i chungah he thil hi a ti ta ani hi.
19 Chu lo pawh chu, LALPA chuan nangmah leh Israel-hote pawh chu Philistia mite kuta a pe ang a; tin, naktukah hian nang leh i fapate chu ka hnênah in lo awm ang: LALPA chuan Israel sipaihote pawh chu Philistia mite kuta a pe ang," a ti a. 20 Chutichuan Samuela thusawi avâng chuan Saula chuan a hlau ta êm êm mai a, leiah a tlu ta der mai a; tha leh zung rêng rêng a nei lo va, nileng leh zankhua chaw ei lo ani si a."
*Chhanna:*
Satan'a khan Pu Job'a thilte a laksak khan, Pu Job'an enge A sawi? "Pathian in A pe a, Pathian in A la leh ta, Lalpa hming chu malsawmin awm rawh se," ati ani lom ni? (Job 1: 21)
Achhan chu Pathian remtihnalo in Satan'an engmah ati theilo.
Saula chu Pathian in a kalsan chuan tu ta nge ni ta?
Satan'a ta.
Pathian in Satan'a kuta a duhduha ti tura A pek tak avangin Satan'an a tih tur chu a sawilawk thei taa a, Saul'an (Satan'a zawlnei) alo rawn bawk nen, Thlarau bumhmang chu Samuel'a anga insiam danglamin a tih tur a sawilawk ta reng ani.
Saula thih dan tur chu Setan'a kutah a awm tawh a, a sawi thei ani e.
Setan'a chuan a ta chu a duh dan dan in a ti in a thih tir thei tawh ani.
*Zawhna5:*
Setana chu bumhmang a nihna ah buaitur a awm lo.
Saula khi Lalpan a kalsan pawh a ni thei, samuela thla rawn inlan khi, samuela a nih thu chiang taka sawi a ni a, chu zawk chu kan sawi lai chu a ni zawk a lawm.
Samuel'a a thi daih tawh a, khita rawn inlan khi, samuela ngei a ni si a, han sawi fiah teh khai.
Bible ngeiin, "tin, Samuel'a chuan, Saul'a hnenah.." a tih kalh khi.
Thlarau bum hmang samuela angin a insiam ti a i sawi hi chu , i ngaihdan a ni mai a, tangfung a tlem hmel. Bible chuan, samuela lemchang der emaw, thlarausual, samuela lemchang angin a sawi ve lo, "Samuel'a chuan" tiina sawi fak mai.. hei hi pawm mai a tha..
*Chhana:*
Samuel'a athi tawh si chuan chulai ziaktu chu midang ani tih kan hre thei nghala, a thil ziah chu a hrilhfiah nghallo bawk a, a hriat dan ang angin a ziak ani tih pawh kan hre thei nghal awm e.
A hrilfiahna mamawh anih chu. Chu hrilfiahna chu hei ngei hi ani e.
Pathian Zawlnei Thuhriltu sawitu chuan, "Mithi in engmah an hrelo," ati chiang mai.
Tunge ziak a tunge sawi tihte hian ko ro a su, thil a hril ve chiang khawp mai.
"Samuel'a thlarau chuan" tilovin Samuel'a chuan tih atrang ringawt pawh a hriat theih e, a ziaktu pangai chuan a hriat dan ang angin a ziak ka tih kha.
Samuel'a chuan ti turin Samuel'a a awm tawhlo, a thi tawh.
*Zawhna6:*
Samuel'a a ni tih kan rin theihnan a thlarausual min bumna ni ahan sawi tawp hi chu, ...khi thuah khian bum kan nih ngat chuan, Bible khian min bum tihna a ni ang. A chhan chu, bible ngeiin, Samuel'a a nih thu a ziak zawk si a, tin, samuela chu Thi tawh mahse, amah ngei a rawn inlan avangin, "Samuel'a " tiin biblein a sawi.
Mosia pawh a thihhnu daihah, hmeldanglamna tlangah Eliza nen an rawn inlara, "Mosia" tiin sawi a ni tho, nge ni, min bum tumbawk in an rawn inlar leh tihna emni, mosia te kha..?
*Chhanna:*
1 Korin 1: 18 ah "Boral mekte tan kros thu chu atna ani.." tih angin Bible chu boral mekte tan chuan atna ani reng asin.
Samuel'a Thlarau chuan tih ziak nise hrilhfiah har deuh hlek tur. Mahse Samuel'a chuan atih atrang ringawt pawh khilai ziaktu khian hrilhfiah ngaiin a ziak ani tih a chiang. Thlarau chu Samuel'a thlarau ti lovin Samuel'a engti kawng zawng pawn tih theih anilo. Samuel'a ti turin Samuel'a a thi tawh. Amah ngei a rawn in lan tih theih pawh anilo, a THI tawh.
"Samuel'a thlarau chuan" tih anihloh atrang a ziaktu chuan a hriat dan dan, rin dan dan emaw thiam dan dan in a ziak ani tih a chiang hle. A ziaktu chu midang kan tih tawh bawk kha.
Pu Mosi'a ruang chu Satan'an Pathian Vantirhkoh a chuh kha. Pu Jude'an (1:9) a rawn sawi belh ani Hmanlai Biblea in ziaklo chu.
An inchuh chhan chu Mikael an kaihthoha Van a hruai a tum ani.
Pathian chhiahhlawh anih ang ngeiin Vanah hruai ani a, Pu Eliza nen hmeldanglamna tlanga an rawn inlan khan Kaihthoh anih zia ati lang ani.
*Zawhna7:*
Isua thih hma hauh in, Mosia hi kaithawh a lo ni tawh i tihna mi, bible chang behchhan a awm thei em? Isua chu thawhhma hruaitu a ni a, a thawhleh khan mithuanghlim muhil tawh te chu an tho ve chiaha, Vanah an lut choh si a.
*Chhanna:*
Lal Isua lokal hma hauh in Pu Eliza vanah lak chhoh anihna chuan Pu Mosia pawh Kaihthoh theih ani tih ati chiang hle.
Achhan chu Lal Isua chu lei lung pian hmaa beramno talh toh leh tholeha ani tlat.
*Zawhna8:*
Isua chu thu in leilungpiantirha talh tawh ni mahse, Taksa ngei a he thihna hi hlen chhuak a ni a, chuvangin taksa ngeia a thih hma khan, mosia hi kaihthawh a lo ni tawh tih inziak a awm lo. A taksa ngeia a thihhnuah, a taksa ngeia a thawhhnuah khan, mithianghlim muhil tawh te chu an tho ve choh zawk a ni, heihi bible min hrilh dan a ni. Isua taksa ngeia a thihhma a, mithianghlim thi tawh te an thawha van an luhna in ziak bible chang han tarlang tehkhai ...ti chuan Isua hi thawhhma hruaitu ni lovin, mosia emaw midang tu emaw ber chu Thawhhma hruaituah kan pawm mai ang chu.
*Chhanna:*
Akimlo in kan hriaa akimlo in kan hril tih Pu Paul'a sawi kha hrelo in Bible chu a kimah I lo ngai elo?
Bible, Thupuan 13: 8 ngeiin "leilung nghah tirha talh tawh beramno" ati tlat chuan leilung nghah tirha tholeh ani tih ati chiang, chutilo chu, tholehlo se lokal tur a awm dawn si lo.
Chu bakbaka thih hma hruaitu a awm theilo, midang pawh anni thei bawk lo.
Lal Isua chu leilung pian hma a talh tawh anih chuan leilung pian hmaa tholeh pawh anih chu. Chuvang chauh chuan Mihring anga alo kal hma pawn Pu Elija vana lut thei ini a, Pu Mosia pawh Kaihthoha vana hruai theih ani.
Vana lut leh kaihthoh tih hi thuhmun leklek ani. Vana lut tih hi a ropui zawk, chuvang chuan Pu Elija'a vana lakluh anih theih chuan, Pu Mosi'a chu kaihthohna chang theih lutuk anih chu.
*Zawhna9:*
A nih Isua chu isawi ang khian, leilung nghahtirha talh tawh a nihnakha lo pawm dawn chhin teh pawhni ila, Bible hian, Isua taksa ngeia a rawn kal hma khan, taksa thawhlehna changa, vanrama lut a sawi a sawi em? bible hian..nge Isua thihhnu a thawhleh hnuah choh mithianghlim te an thawh a, khawthianghlim an luh thu a sawi zawk...khawi zawk nge tih hi mumal takin han chhang tehkhai.a)
I ngaihdan ringawt ni lovin, bible sawi dan ka hre duh a nia,
Isua khawvela a rawn kal a, a thih hma khan i sawi ang thawhlehna khi, Bible in a sawi em? Nge Isua thihhnua hnu ah choh, mithianghlim muhil te an thawhve thu a ziak?
Thawhlehna chungchang, he topic pawimawh lutuk mai hi, Isua a thihhma khan, Pathianin mitthi tawhte lo kai thoin, vanramah hruailut tawh nise, bible ah hian vawikhat tal ziah lan awm a ni. Mahse Genesis to thupuan inkarah hian, vawikhat mah hetiang hi Bible in a ziak lo.
Mithianghlim muhilte an thawha vana hruailuha an awm na chu Isua thihhnu, a thawhlehhnuah choh a nih zia bible in a ziak a ni.
Chuvangin, Pathian thu sawi honaah chuan, Bible hi a thu tawp siamna a nih a ngai a , Biblein a sawi chu kan sawi anga, a sawi loh chu kan sawi tura ni lo, chuti a nih loh chuan, mahni thua Bible phuahbelh kan ni hlauh dah a nge..
*Chhanna:
Bible in a kilkelh in Pathian duh dan zawng zawng leh thiltih zawng zawng a sawilo, sawi se damchhung pawn kan chhhiar seng lo ang. Pathian thiltih tam zia I hrethiam mai em?
Pu Elija leh Pu Mosi'a hmel danglamna tlanga an inlanna atrang Lal Isua mihring anga alo kal hma pawn Vanram luh theihna leh thohlehna a awm tih a rawn ti chiang ani. A ziaka ziak nilovin a tiha tihin an rawn nem nghet ani.
Chuchu, I hriatthiam chuan Bible sawi ani tih pawh I hrethiam thei mai ang.
Lal Isua thih hnu a mithianghlimte tho leh pawh kha mithianghlim zawng zawng an tho ani lo. Pathian in Lal Isua thihna hriatreng nana A tih ani mai. Chumi hma pawn A duh duh Pathian in A kaitho thei, Lal Isua voihnih nan A lo lokal leh hma pawn Pathian in A duh duh A la chho thei.
Engahnge Bibleah vawikhat tal a ziah in I ziah tirloh tiin Pathian I hau thei ami? In enfiah zawk la.
Pathian in A duh duh A ti thei, keini lo hnial theih a awmlo. Hriatthiam loh chuan "Lalpa min hriatthiam tir ta che," tia ngen mai tur kan ni.
A phuah belh tu chu nang hi ilo ni.
Khawiah nge Mithianghlimte chu Vana lak chhoh anni tih a in ziah. A in ziak reng reng lo, mahse I hriatthiam avanga ziaka awm anga sawi I ni.
Chutiangin, hriatthiam tum ve ta che hrilh I nih ho khi. Engah nge Lal Isua thih hma in thawhlehna awmlo tiin I phuah belh? Ngaihdan hi hmangaih loh tur.
LL
Juda 1: 9 in Pu Mosi'a ruang Satan'an Vantirhkoh Mikael'a a chuh tih pawh in thawhlehna a awm zia a ti lang.
Eng atan nge, Pathian Thlarau Mikael'an Pu Mosi'a ruang a lak tum? A kaihthoh tum vang ani. Chuchu Satan'an phallo in alo chuh ani. Chuti ni suh se mithi ruang inchuh chhan tur a awmlo.
*Zawhna10:*
Juda 1: 9 hian, Isua thih hmain, thawhlehna a awm thu a sawi lo reng reng.
Mikael'an, mosia ruang setana nenan inchuha, setana a sawi chhe ngam lova, Pathian in hau zawk che rawhse tiin Pathian kutah a hlan mai a ni .
An inchuh chhan hi kan topic a ni hrih lo, Isua thihhmakhan thawhlehna a awm thu biblein a ziak em nge a thawhlehhnuah..tih hi kan topic chu..
Tichuan bible sawi dan chu kan phawrh ang a, mosia hmeldanglamna tlanga a rawninlanna kha kan sawi fiah thei choh ang.
*Chhanna:*
An inchuhna chhan I hriat chuan I zawhna chhanna I hmu mai dawn a lawm.
Lal Isua thih hma khan thohleh a awm leh awmloh, a inziah leh ziahloh I hriat duh chuan Pu Lazar'a thi kaihthoh anih thu kha chhiar mai rawh.
Chuan, Vana Pu Mosi'a ruang dah turin em ni Pathian Thlarau Mikael'an lak a tum, nge Kaihthoha hruai chhoh? A pahnihna hi ani tih chu a chiang ani, a chhan chu tlangah Pu Mosi'a a rawn tel tlat chuan ati fiah ani. Ziak nilovin thiltih in a rawn sawi, ziak ani zawk.L
*KharnaZawhna11:*
Samuela chungchangah pawh khian, I zeldinna thu bak han sawi chhuah i nei hauh hrih lo a nia, Bible ngeiin, Samuel'a a nih thu a sawi laiin, nangchuan a nih loh thu leh thlarau sual hnathawh a nih zia, i rilru milin i rawn sawi ringawt mai si.
Tlarau bum hmang, samuel'a lem a chang chu a nih hmel loh..
*Chhanna:
Anih aw, 1 Samuel 28:13, 14 han chhiar ila. "13 Tin, lal chuan a hnênah, "Hlau suh; engnge ni i hmuh tak le?" a ti a. Tin, hmeichhia chuan Saula hnênah, "Lei atanga Pathian lo chhuak ka hmu," a ti a. 14 Tin, a hnênah, "Eng ang nge anih?" a ti a. Ani chuan, "Putar pui hi a lo chhuak a, kawrfual a ha," a ti a.
Tin, Saula chuan Samuela a ni tih a hria a, a hmaia lei siin chibai a bûk a."
Khi aienthiam Satan'a zawlnei chuan enge a sawi, tunge ka hmu a tih?
"Pathian," ati. Mithi thlarau pawh atih loh chu. Ani tak e, Thlarau thianghlimlo chu Satan'a zawlneite tan chuan an pathian ani asin.
Chuan, enge a ha atih?
"Kawrfual." Awh, mithi thlarau chuan khawilai kawrfual nge a hak tih I ngaihtuah em?
Samuel'a thlarau chuan khawilai kawrfual nge a hak le? Samuel'a Kawrfual chuan thlarau a nei ve tihna em ni, engtin nge a thihsan hnu pawn a thlarau chuan a hak zel theih a?
Kawrfual a hak atrang ringawt pawh aienthiam hmuh chu Samuel'a thlarau anga insiam Thlarau Thianghlimlo mai ani tih a chiang ani.
Mihring hian thlarau nung hranpa nei ila, chuan inlar thei bawk se saruak a a inlar a ngai ngei ang. Achhan chu thawmhnaw ten thlarau an neilo tih kan hre si a.
Ani, heta trang mihring thlarau nung inlar thei kan tih hi mi nung dang mihring thlarau anga insiam chawp, angel tlu tate leh an fate a ni tih kan man thiam thei nghal awm e.
Chu a zeldintu, ngaidan, mahni rin dan mai sawi tu chu tunge ni leh ta?
Chuan, tunge Saul'an a rawn?
Aienthiam Satan'a zawlnei ani.
Aienthiam Satan'a zawlnei thu leh thlarau koh chu awih in a takah I ngai maw. Satan'a zawlnei thu awihin pathian zawlnei thlarau a che ang maw? Awihawm deuh hi sawi teh.
Saul'a ang lek ilo nih chu, mahse chu ai pawn i la nep zawk maithei. Achhan chu Saul'a chu Pathian lam atran lai chuan Pathian thu awihin aienthiam hote tih rem tumin a that treuh mai.
Engvangnge Aienthiam te chu Pathianin thah tur A tih?
Satan'a rawng an bawl tlata, mihring thlarau tiin Angel tlutate an ko chhuak bawk vangte ani tih I lo hre lo emaw hrethiam phaklo ani maw?
Aienthiam te rin bang rawh, sim rawh. Boralna ani si.
Mihring (thita emaw damlai) thlarau chuan hmuite a nei in trawng thei turin thluakte leh leite a nei a maw? Thilte anla ngaihtuah in Kutte neiin belte thil dangte ati che thei ang maw? Thilte a ei thei in a ei pai turin pumte a nei amaw? Kawrte ha thei turin taksa a nei maw? Chuan khawia kawr nge a puk tak ang? Ava nuihzatthlak em. Thlarau anih top loh chu, pum leh thluak nei taksa dang nei thlarau sualho anni tih chung chuan ati chiang hle mai.
Mihring thlarau ahrana nung awm taktak se an trawng theih thu, thil an khawihin an ei theih thu, an kal theih thu awm suh. Thlawh theih thu, mei leh enga an chan theih thu emaw an en thu awm suh. Hmun hran hranah thiltihtheihna (power) neih vangin an insawn zung zung theih awm suh.
Mihringte kan damlai pawha thiltih theihna (power) neilo chu kan thih hnuah emaw kan damlai pawn kan thlarau in power kan nei ang maw. Angel tutate anni tih avan chiang em.
Chuchu kan awihloh chuan Pathian chu dawt sawi hmang, mahni Thu kalh thrin kan tihna ani.
Pathian thu erawh chuan, "Mi thi in engmah a hrelo," (Thuhriltu 9: 5), ati. "A thaw chu a kala, a leiah a kir; chumi ni lala in a ngaihtuahnate a boral," (Sam 146: 4), ati.
Pathianin dawt a sawi ngailo a, a thu a inkalh ngai heklo. Satan'a leh a hoten Pathian chu dawt sawi hmang leh mahni thu inkalha ti hmangah lantir an tum mai ani zawk.
Anih leh Pathian chu dawt hmang leh mahni thu kalh hmang ani I tihna ami? Nge Satan'a bumna I man phalo zawk a, hrilhfiah I nih pawn I pawm duhlo zawk? Nge an lam I trang zawk?
Hrilhfiahna pawm duhlo emaw hrethiam theilo kan nih chuan, thinlung inhawnga trawngtrai kan mamawh ani e.
Bible chu boral mekte tan atna ani, thutak zawnga thutak tana inhawng te tan chuan finna ani.
facebook groupa en duh tan:
Comments
Post a Comment